September 07, 2021
September 07, 2021
അഫ്ഗാനിൽ അധികാരംപിടിച്ചെടുത്ത് ആഴ്ചകൾ പിന്നിട്ടെങ്കിലും, താലിബാൻ ഇതുവരെ പുതിയ ഗവണ്മെന്റിനെ പ്രഖ്യാപിച്ചിട്ടില്ല. രണ്ട് തവണ ഇതിനായുള്ള ശ്രമങ്ങൾ ആരംഭിച്ചതായി റിപ്പോർട്ടുകൾ ഉണ്ടായിരുന്നെങ്കിലും, പിന്നാലെ ഈ ചടങ്ങ് മാറ്റിവെക്കപ്പെടുകയായിരുന്നു. ഇപ്പോൾ പുറത്തുവരുന്ന വാർത്തകൾ അനുസരിച്ച്, അയൽരാജ്യങ്ങളെ തങ്ങളുടെ സ്ഥാനാരോഹണചടങ്ങിലേക്ക് ക്ഷണിച്ചിരിക്കുകയാണ് താലിബാൻ.
റഷ്യ, ചൈന, തുർക്കി, ഇറാൻ,പാകിസ്ഥാൻ, ഖത്തർ എന്നീ രാജ്യങ്ങൾക്കാണ് ചടങ്ങിൽ പങ്കെടുക്കാൻ ക്ഷണം. ഈ രാജ്യങ്ങളോട് താലിബാൻ സ്വീകരിക്കാൻ പോവുന്ന വിദേശനയത്തിന്റെ പ്രതിഫലനമായാണ് ഈ ക്ഷണത്തെ നിരീക്ഷകർ കാണുന്നത്. ചൈന വഴിയും ഇറാൻ വഴിയും വ്യാപാരം സുഗമമായി നടത്തിയാൽ മാത്രമേ അഫ്ഗാന് പിടിച്ചുനിൽക്കാൻ കഴിയുള്ളൂ എന്ന ബോധ്യമാണ് താലിബാനെ ഈ നയം സ്വീകരിക്കാൻ പ്രേരിപ്പിച്ചതെന്ന് കരുതപ്പെടുന്നു. അതേസമയം ഈ റിപ്പോർട്ടുകളോട് പ്രതികരിക്കാൻ ചൈനീസ് വിദേശകാര്യമന്ത്രാലയപ്രതിനിധി വാങ് വെൻബിൻ തയ്യാറായില്ല.
