June 23, 2021
June 23, 2021
കൊച്ചി:കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് ലിമിറ്റഡിന്(സിയാല്‍) രാജ്യാന്തര പുരസ്‌ക്കാരം. യാത്രക്കാര്‍ക്ക് നല്‍കുന്ന മികച്ച സേവനത്തിന്റെ അടിസ്ഥാനത്തിലാണ് നെടുമ്പാശേരി വിമാനത്താവളത്തിന്റെ നടത്തിപ്പുകാരായ സിയാലിന് വിമാനത്താവള ഓപ്പറേറ്റര്‍മാരുടെ രാജ്യാന്തര സംഘടനയായ എയര്‍പോര്‍ട്ട് കൗണ്‍സില്‍ ഇന്റര്‍നാഷണല്‍(എ.സി.ഐ)റോള്‍ ഓഫ് എക്‌സലന്‍സ് പുരസ്‌ക്കാരം നല്‍കിയത്. ഈ വര്‍ഷം ലോകത്തിലെ ആറ് വിമാനത്താവളങ്ങളാണ് എ.സി.ഐ യുടെ റോള്‍ ഓഫ് എക്‌സലന്‍സ് ബഹുമതിക്ക് അര്‍ഹമായത്. പ്രതിവര്‍ഷം അമ്പതുലക്ഷം മുതല്‍ ഒന്നരക്കോടി വരെ യാത്രക്കാര്‍ എത്തുന്ന വിമാനത്താവളങ്ങളുടെ വിഭാഗത്തില്‍ കഴിഞ്ഞ പത്തുവര്‍ഷത്തിനിടെ തുടര്‍ച്ചയായി അഞ്ചുതവണ സിയാല്‍ എ.സി.ഐയുടെ പുരസ്‌ക്കാരത്തിന് അര്‍ഹമായിരുന്നു.
