November 01, 2021
November 01, 2021
ദോഹ : ഓൺലൈനായി നടത്തിയ ലോക തയ്‌ക്കൊണ്ടോ പൂംസെ ചാമ്പ്യൻഷിപ്പിൽ ഖത്തർ താരം ഒത്മാൻ ബൗലാറസിന് വെങ്കലം. അഞ്ചുദിവസങ്ങളിലായി, 123 രാജ്യങ്ങളിൽ നിന്നുള്ള മത്സരാർത്ഥികൾ പങ്കെടുത്ത ടൂർണ്ണമെന്റിലാണ് ഒത്മാൻ നേട്ടം കൈവരിച്ചത്. മൂന്ന് പേരാണ് ഖത്തറിനായി ടൂർണമെന്റിൽ കളത്തിലിറങ്ങിയത്.
സ്ത്രീകൾക്കും പുരുഷന്മാർക്കുമായി അഞ്ചോളം വ്യത്യസ്ത വിഭാഗങ്ങളിലാണ് മത്സരം നടന്നത്. 18 രാജ്യങ്ങൾ പങ്കെടുത്ത, നാല്പത് വയസിന് താഴെയുള്ള ആളുകളുടെ വിഭാഗത്തിലാണ് ഒത്മാൻ മെഡൽ സ്വന്തമാക്കിയത്. ഫൈനൽ ഘട്ടത്തിലേക്ക് പ്രവേശനം നേടിയ ഏക അറബ് താരവും ഒത്മാനാണ്. ഇതാദ്യമായല്ല ഒത്മാൻ രാജ്യത്തിന്റെ യശ്ശസുയർത്തുന്നത്. 2018 ലെ ലോകബീച്ച് ചാമ്പ്യൻഷിപ്പിൽ സ്വർണ്ണം നേടിയ ഉസ്മാൻ രണ്ട് വട്ടം ഏഷ്യൻ ചാമ്പ്യൻഷിപ്പിൽ വെങ്കലവും നേടിയിട്ടുണ്ട്.
