July 01, 2021
July 01, 2021
ദോഹ: ഇന്ത്യയും ഖത്തറും തമ്മിലുള്ള എയര്‍ ബബിള്‍ കരാര്‍ റദ്ദാക്കപ്പെട്ടതിനെ തുടര്‍ന്ന് ഇന്‍ഡിഗോ വിമാന സര്‍വീസുകള്‍ റദ്ദാക്കി. ദോഹയില്‍ നിന്നും കണ്ണൂരിലേക്കുള്ള രാവിലെ എഴിന് പുറപ്പെടാനിരുന്ന ഇന്‍ഡിഗോ വിമാനം, ഹൈദരാബാദില്‍ നിന്നും ദോഹക്കുള്ള ഇന്‍ഡിഗോ വിമാനം എന്നിവയാണ് റദ്ദാക്കിയത്. അതിനിടെ കോഴിക്കോട് നിന്ന് ദോഹയിലേക്കുള്ള രാവിലെ ആറിന് പുറപ്പെടേണ്ടിയിരുന്ന എയര്‍ ഇന്ത്യ വിമാനവും റദ്ദാക്കി.ഇത് വൈകീട്ട് പുനസ്ഥാപിക്കുമെന്നാണ് അധികൃതര്‍ അറിയിച്ചത്. ദോഹ-മംഗലാപുരം എയര്‍ ഇന്ത്യാ വിമാനവും റദ്ദാക്കിയിട്ടുണ്ട്. ലാന്റിങ്് പെര്‍മിഷന്‍ ലഭിക്കാത്തതിനാലാണ് സര്‍വീസ് നടത്താത്തതെന്നാണ് അധികൃതര്‍ പറയുന്നത്. വിമാനം റദ്ദാക്കിയതോടെ പ്രവാസികളായ നിരവധി യാത്രക്കാരാണ് പ്രയാസത്തിലായത്. പലര്‍ക്കും വിമാനത്താവളത്തില്‍ എത്തിയ ശേഷമാണ് വിമാനം മുടങ്ങിയ കാര്യം അറിയാന്‍ കഴിഞ്ഞത്.
