September 03, 2021
September 03, 2021
ദുബായ് : ഖത്തർ വിദേശകാര്യമന്ത്രാലയത്തിലെ ഉദ്യോഗസ്ഥർ അഫ്ഗാനിസ്ഥാനിലെ കാബൂൾ വിമാനത്താവളം സന്ദർശിച്ചതായി അൽജസീറ റിപ്പോർട്ട് ചെയ്തു. അമേരിക്കൻ അധിനിവേശം അവസാനിച്ചതോടെ പ്രവർത്തനം നിലച്ച വിമാനത്താവളം വീണ്ടും പ്രവർത്തനസജ്ജമാക്കാനുള്ള തയ്യാറെടുപ്പിന്റെ ഭാഗമായാണ് ഖത്തർ തങ്ങളുടെ പ്രതിനിധിയെ അഫ്ഗാനിൽ എത്തിച്ചത്.
അഫ്ഗാനിലേക്ക് അവശ്യവസ്തുക്കൾ എത്തിക്കുന്നതിലും മറ്റും സുപ്രധാന പങ്ക് വഹിക്കുന്ന കാബൂൾ വിമാനത്താവളം സുഗമമായി പ്രവർത്തിപ്പിക്കാൻ തുർക്കിയും സഹായം വാഗ്ദാനം ചെയ്തിട്ടുണ്ട്. സാങ്കേതികവിദഗ്ധരുടെ സംഘത്തെ നേരത്തെ തന്നെ ഖത്തർ കാബൂളിൽ എത്തിച്ചിരുന്നു. ഭരണത്തിലെ അനിശ്ചിതത്വത്തിനൊപ്പം കൊടിയ വരൾച്ചയും വലയ്ക്കുന്ന അഫ്ഗാൻ ജനതയ്ക്ക് കാബൂൾ വിമാനത്താവളത്തിന്റെ പ്രവർത്തനം അത്രമേൽ അനിവാര്യമാണ്.
