Breaking News
ഖത്തറിൽ പ്രവാസിയായിരുന്ന പെരിങ്ങത്തൂർ സ്വദേശി നാട്ടിൽ നിര്യാതനായി | സായിദ് രാജ്യാന്തര വിമാനത്താവളത്തിൽ വാഹന പാർക്കിങ് നിരക്കിൽ ഇളവ് പ്രഖ്യാപിച്ചു | കുവൈത്തിൽ പുതിയ കിരീടാവകാശിയെ പ്രഖ്യാപിച്ചു | ഖത്തറിലെ എല്ലാ ആരോഗ്യ കേന്ദ്രങ്ങളിലും ഹജ്ജ് വാക്സിൻ ലഭ്യമാണെന്ന് അധികൃതർ | ഒമാനിലെ ജബൽ ശംസിലുണ്ടായ വാഹനാപകടത്തിൽ മൂന്ന് ഒമാനി പൗരന്മാർ മരിച്ചു  | ഖത്തറിലെ സൂഖ് വാഖിഫിൽ രണ്ട് ദിവസം കൊണ്ട് വിറ്റഴിച്ചത് 20,000 കിലോ ഇന്ത്യൻ മാമ്പഴം  | പുതിയ വെടിനിർത്തൽ കരാറുമായി ഇസ്രായേൽ,ഖത്തർ വഴി ഹമാസിന് കൈമാറി  | എയർ ഹോസ്റ്റസ് സ്വർണക്കടത്ത്,കണ്ണൂർ സ്വദേശിയായ കാബിൻ ക്രൂ അറസ്റ്റിൽ   | ഖത്തറിൽ ഹൗസ് ഡ്രൈവറെ ആവശ്യമുണ്ട്; ഇന്ത്യക്കാർക്ക് അപേക്ഷിക്കാം | ഖത്തറില്‍ ട്രാഫിക് പിഴകളില്‍ 50 ശതമാനം ഇളവ്,ഇന്ന് മുതൽ പ്രാബല്യത്തിൽ |
ഖത്തറിലെ നിയന്ത്രണങ്ങളിൽ വ്യാഴാഴ്ച മുതൽ ഇളവുകൾ പ്രഖ്യാപിച്ചു  

June 03, 2020

June 03, 2020

ദോഹ : ഖത്തറിൽ സ്വകാര്യ മേഖലയുടെ പ്രവര്‍ത്തി സമയം ഉൾപെടെയുള്ള നിയന്ത്രണങ്ങളിൽ മന്ത്രി സഭ ഇളവുകൾ പ്രഖ്യാപിച്ചു. ഇതനുസരിച്ച് സ്വകാര്യ മേഖലയിലെ സ്ഥാപനങ്ങൾക്ക് രാവിലെ 7 മുതല്‍ രാത്രി 8 വരെ പ്രവർത്തിക്കാം. നിലവില്‍ ഇത് രാവിലെ 7 മുതല്‍ ഉച്ചയ്ക്ക് 1 വരെയായി കുറച്ചിരുന്നു.

സ്വകാര്യ വാഹനങ്ങളിൽ ഡ്രൈവർ ഉൾപെടെ നാലുപേർക്ക് യാത്ര ചെയ്യാം.വീടിന് പുറത്ത് കായിക വിനോദങ്ങളിൽ ഏർപ്പെടുന്നവർക്ക് മാസ്ക് നിർബന്ധമില്ലെന്നും ഉത്തരവിൽ വ്യക്തമാക്കുന്നു.

പ്രധാനമന്ത്രിയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് തീരുമാനം. ഇതനുസരിച്ച് നാളെ മുതല്‍ നിലവില്‍ വരുന്ന വിവിധ ഇളവുകള്‍ താഴെ പറയുന്നവയാണ്  :


- സ്വകാര്യമേഖലയില്‍ ജീവനക്കാര്‍ക്കുള്ള പ്രവര്‍ത്തന സമയം രാവിലെ 7 മുതല്‍ രാത്രി 8 വരെയാക്കി നീട്ടി (നിലവില്‍ ഇത് രാവിലെ ഏഴ് മുതല്‍ ഉച്ചയ്ക്ക് 1 മണിവരെയായിരുന്നു)

- സ്വകാര്യ കാറുകളില്‍ രണ്ട് പേര്‍ക്കേ യാത്ര ചെയ്യാവൂവെന്ന നിബന്ധന നീക്കി. ഇനി മുതല്‍ ഡ്രൈവര്‍ ഉള്‍പ്പെടെ നാല് പേര്‍ക്ക് സഞ്ചരിക്കാം.

- താമസകേന്ദ്രങ്ങള്‍ക്കകത്ത് കായിക വിനോദങ്ങളില്‍ ഏര്‍പ്പെടുന്നവര്‍ മാസ്ക് ധരിക്കേണ്ടതില്ല. മൂന്ന് മീറ്റര്‍ സാമൂഹിക അകലം പാലിച്ചേ വിനോദങ്ങളാകാവൂ. എന്നാല്‍ കൂടുതല്‍ പേര്‍ തടിച്ചുകൂടാന്‍ പാടില്ല

- കമ്പനികളിലേക്കും സ്ഥാപനങ്ങളിലേക്കും തൊഴിലാളികളെ കൊണ്ടുപോകുന്ന വാഹനങ്ങളില്‍ പകുതിയാളുകള്‍ മാത്രമേ യാത്ര ചെയ്യാവൂവെന്ന നിബന്ധന തുടരും

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക  


Latest Related News