October 01, 2020
October 01, 2020
ദോഹ : ഖത്തറിൽ ഇതാദ്യമായി പ്രതിദിന കോവിഡ് കണക്ക് 200ൽ താഴെയെത്തി.കഴിഞ്ഞ 24 മണിക്കൂറിനിടെ 199 പേർക്ക് മാത്രമാണ് പുതുതായി കോവിഡ് സ്ഥിരീകരിച്ചത്. ഗൾഫ് രാജ്യങ്ങളിലെ ഏറ്റവും കുറഞ്ഞ പ്രതിദിന കണക്കാണിത്.. അതേസമയം,212 പേർ പുതുതായി രോഗമുക്തി നേടിയിട്ടുണ്ട്. കോവിഡിനെ അതിജീവിച്ചവരുടെ എണ്ണം ഇതോടെ 122,911 ആയി.കോവിഡ് ബാധിച്ച് ചികിത്സയിലിരിക്കെ ആരും മരണപ്പെടാത്തതും ആശ്വാസമായി.
2834 പേരാണ് നിലവിൽ കോവിഡ് പോസറ്റിവ് ആയി തുടരുന്നത്.പുതുതായി 38 പേരെയാണ് ആശുപത്രിയിൽ പ്രവേശിപ്പിച്ചത്. ചികിത്സയിൽ തുടരുന്നവരുടെ എണ്ണം ഇതോടെ 409 ആയി.ഗുരുതര രോഗങ്ങൾക്ക് ചികിത്സയിലായിരുന്ന 7 പേരെയാണ് പുതുതായി തീവ്രപരിചരണ വിഭാഗത്തിൽ പ്രവേശിപ്പിച്ചത്. 58 പേരാണ് നിലവിൽ ഐസിയുവിൽ തുടരുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക
