February 02, 2022
February 02, 2022
ദോഹ : റഷ്യക്കും ഉക്രൈനും ഇടയിൽ ഉടലെടുത്ത പ്രശ്നങ്ങൾ കാരണം യൂറോപ്പിൽ ഇന്ധനക്ഷാമം ഉണ്ടായാൽ, രാജ്യത്തിന് ഒറ്റയ്ക്ക് പരിഹാരം കാണാൻ കഴിയില്ലെന്ന് ഖത്തർ ഊർജമന്ത്രി സാദ് ഷെറീദ അൽ ഖാബി അറിയിച്ചു. യൂറോപ്യൻ യൂണിയൻ പ്രതിനിധിയായ കാദ്രി സിംസണുമായി ദോഹയിൽ ചർച്ച നടത്തിയ ശേഷമാണ് മന്ത്രി ഇക്കാര്യം അറിയിച്ചത്. നേരത്തേ, യൂറോപ്പിന് ഇന്ധനം നൽകാൻ തയ്യാറാണെന്ന് ഖത്തർ പ്രസ്താവിച്ചിരുന്നു.
'യൂറോപ്പിന് ഭീമമായ അളവിൽ ഇന്ധനം ആവശ്യമുണ്ട്. നിലവിലെ സാഹചര്യത്തിൽ അത്രയും ഇന്ധനം നൽകാൻ ഖത്തറിന് കഴിയില്ല. അതിന് ശ്രമിച്ചാൽ, ലോകത്തിന്റെ മറ്റ് ഭാഗങ്ങളിലേക്കുള്ള ഇന്ധനവിതരണം തടസ്സപ്പെട്ടേക്കും' -മന്ത്രി വിശദീകരിച്ചു. യൂറോപ്പിലെ പ്രശ്നങ്ങൾ നയതന്ത്രപരമായി പരിഹരിക്കപ്പെടും എന്നാണ് തന്റെ പ്രതീക്ഷയെന്നും അൽ ഖാബി കൂട്ടിച്ചേർത്തു.
