July 28, 2020
July 28, 2020
ദോഹ : ഖത്തറിൽ വാഹനങ്ങളുടെ രജിസ്‌ട്രേഷൻ (ഇസ്തിമാറ) പുതുക്കുന്നതിന് ആഗസ്റ്റ് ഒന്ന് മുതൽ ഫഹസ് കേന്ദ്രങ്ങളിലെത്തിയുള്ള പരിശോധന നിർബന്ധമാക്കിയതായി ഗതാഗത വിഭാഗം അറിയിച്ചു. പരിശോധന കൂടാതെ ഓൺലൈൻ വഴി ഇസ്തിമാറ പുതുക്കുന്നതിനായി അനുവദിച്ച സമയ പരിധി ജൂലൈ 31 വെള്ളിയാഴ്ച അവസാനിക്കുമെന്നും ട്രാഫിക് ജനറൽ ഡയറക്റ്ററേറ്റ് അറിയിച്ചു.വെള്ളിയാഴ്ചക്ക് മുമ്പ് പുതുക്കാത്തവർ ഫഹസ് കേന്ദ്രങ്ങളിലെത്തി നേരത്തെയുണ്ടായിരുന്ന പ്രകാരം തന്നെ പരിശോധന പൂർത്തിയാക്കണമെന്നാണ് നിർദേശം.
കോവിഡ് വ്യാപനത്തെ തുടര്‍ന്ന് അടച്ചിട്ട ഖത്തറിലെ എല്ലാ ഫഹസ് വാഹന പരിശോധനാ കേന്ദ്രങ്ങളും ആഗസ്ത് 9 മുതല്‍ പ്രവര്‍ത്തിച്ചു തുടങ്ങുമെന്ന് വുഖൂദ് ആണ് ഇക്കാര്യം അറിയിച്ചത്. അതേസമയം, ഇന്‍ഡസ്ട്രിയല്‍ ഏരിയയിലെ ഫഹസ് കേന്ദ്രം പ്രവര്‍ത്തനം പുനരാരംഭിക്കുന്നത് വൈകും. ജൂലൈ 31ന് ശേഷം ഓണ്‍ലൈനായി വാഹന പരിശോധനക്കായി രജിസ്റ്റര്‍ ചെയ്ത വാഹനങ്ങള്‍ ഫഹസ് സെന്ററുകളില്‍ പൂര്‍ണമായും പരിശോധനക്ക് വിധേയമാക്കും. നേരത്തേ ഇന്‍ഡ്ട്രിയല്‍ ഏരിയയില്‍ പരിശോധിച്ചിരുന്ന ഹെവി വാഹനങ്ങള്‍ അല്‍ മസ്‌റൂഅയിലെ ഫഹസ് കേന്ദ്രത്തില്‍ പരിശോധിക്കും.
ന്യൂസ്‌റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
