November 07, 2021
November 07, 2021
ദോഹ : അബുസംറ അതിർത്തിയിലൂടെ ഖത്തറിലേക്ക് കടത്താൻ ശ്രമിച്ച മെഷീൻ ഗൺ പിടികൂടി. കസ്റ്റംസാണ് സമയോചിതമായ ഇടപെടലിലൂടെ ആയുധക്കടത്ത് തടഞ്ഞത്. തങ്ങളുടെ ഔദ്യോഗിക ട്വിറ്റർ അക്കൗണ്ടിലൂടെ പിടിച്ചെടുത്ത മെഷീൻ ഗണ്ണിന്റെ വീഡിയോയും കസ്റ്റംസ് പോസ്റ്റ് ചെയ്തിട്ടുണ്ട്. രണ്ട് ഭാഗങ്ങളാക്കി വാഹനത്തിൽ ഒളിപ്പിച്ച് കടത്താനായിരുന്നു ശ്രമം.
അബുസംറ അതിർത്തിയിൽ വാഹന പരിശോധന നടത്തവേയാണ് മെഷീൻ ഗൺ കസ്റ്റംസിന്റെ ശ്രദ്ധയിൽ പെട്ടത്. രാജ്യത്തേക്ക് ആയുധങ്ങൾ കടത്തുന്നതായി സംശയിക്കുന്നുണ്ടെന്നും ജാഗ്രത വേണമെന്നും കസ്റ്റംസ് നേരത്തെ തന്നെ അറിയിപ്പ് പുറപ്പെടുവിച്ചിരുന്നു. ആധുനിക ഉപകരണങ്ങൾ കൈവശമുള്ള കസ്റ്റംസ്, യാത്രക്കാരുടെ പെരുമാറ്റം സൂക്ഷ്മമായി നിരീക്ഷിച്ചാണ് പലപ്പോഴും ഇത്തരം കള്ളക്കടത്തുകാരെ പിടികൂടാറുള്ളത്.
