May 14, 2022
May 14, 2022
ഇസ്താംബുൾ: ഔദ്യോഗിക സന്ദർശനത്തിനായി തുർക്കിയിലെത്തിയ ഖത്തർ അമീർ ഷെയ്ഖ് തമീം ബിൻ ഹമദ് അൽതാനി തുർക്കി പ്രസിഡന്റ് റജബ് ത്വയ്യിബ് എർദോഗനുമായി ചർച്ച നടത്തി. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധങ്ങളെക്കുറിച്ചും വിവിധ മേഖലകളിലെ സഹകരണം മെച്ചപ്പെടുത്തുന്നതിനുള്ള മാർഗങ്ങളെക്കുറിച്ചും ഇരു നേതാക്കളും കൂടിക്കാഴ്ചയിൽ ചർച്ച നടത്തി.
മേഖലയിലെ പൊതു താൽപര്യമുള്ള നിരവധി വിഷയങ്ങൾക്ക് പുറമെ പ്രാദേശികമായും അന്തർദേശീയമായും നടക്കുന്ന വിവിധ സംഭവവികാസങ്ങളെ കുറിച്ചുള്ള നിലപാടുകൾ രണ്ടു രാഷ്ട്രത്തലവന്മാരും ചർച്ച ചെയ്തു,
ഖത്തർ ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ അൽതാനി, അമീരി ദിവാൻ മേധാവി ഷെയ്ഖ് സൗദ് ബിൻ അബ്ദുൽറഹ്മാൻ അൽതാനി, തുർക്കി വിദേശകാര്യ മന്ത്രി മെവ്‌ലൂത് കാവുസോഗ്ലു,ആഭ്യന്തര മന്ത്രി എച്ച്‌ഇ സുലൈമാൻ സോയ്‌ലു എന്നിവർ കൂടിക്കാഴ്ചയിൽ പങ്കെടുത്തു,
ഇറാൻ സന്ദർശനം പൂർത്തിയാക്കിയാണ് ഖത്തർ അമീർ തുർക്കിയിൽ എത്തിയത്.ബ്രിട്ടനും ജർമ്മനിയും മറ്റു യൂറോപ്യൻ രാഷ്ട്രങ്ങളും കൂടി സന്ദർശിച്ച ശേഷമായിരിക്കും അമീർ ദോഹയിൽ തിരിച്ചെത്തുക.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
