September 22, 2020
September 22, 2020
ദോഹ : ലോകത്തെ മുഴുവൻ ഒരുപോലെ ബാധിച്ച കൊവിഡ്- 19 മഹാമാരി ഭൂമിയിലെ മനുഷ്യരെല്ലാം ഒരേ കുടുംബമാണെന്ന് ഒരിക്കൽ കൂടി ഓർമപ്പെടുത്തുന്നതാണെന്ന് ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനി പറഞ്ഞു. ഐക്യ രാഷ്ട്ര സഭ രൂപീകൃതമായതിന് ശേഷം ലോകം കണ്ട ഏറ്റവും വലിയ വെല്ലുവിളികളിൽ ഒന്നാണ് കോവിഡ് എന്നും അമീർ വ്യക്തമാക്കി.. ഐക്യരാഷ്ട്ര സഭയുടെ 75 ആം വാർഷികത്തോടനുബന്ധിച്ച് നടന്ന ഉന്നത തല യോഗത്തെ അഭിസംബോധന ചെയ്ത് നടത്തിയ വെർച്വൽ പ്രസംഗത്തിലാണ് അമീർ ഇക്കാര്യം പറഞ്ഞത്.അമേരിക്കയിലെ ന്യൂയോര്‍ക്കില്‍ യു എന്‍ ആസ്ഥാനത്തു നടന്ന സമ്മേളനത്തിൽ വീഡിയോ കോണ്‍ഫറന്‍സ് വഴിയാണ് അമീര്‍ പങ്കെടുത്തത്. ആഗോള സമൂഹം നേരിടുന്ന എല്ലാ പ്രശ്‌നങ്ങളിലും യു.എന്നിന്റെ ലക്ഷ്യങ്ങള്‍ നിറവേറ്റുന്നതിന് ഖത്തറിന്റെ ഉറച്ച പിന്തുണ എപ്പോഴുമുണ്ടായിരിക്കുമെന്നും അമീര്‍ ആവര്‍ത്തിച്ചു. പ്രാദേശിക അന്തര്‍ദേശിയ പ്രശ്‌നങ്ങള്‍, ഭീകരവാദം, നിരായൂധീകരണം, പരിസ്ഥിതി- സുസ്ഥിര പ്രശ്‌നങ്ങള്‍ എന്നിവയാണ് ഇതിൽ പ്രധാനമെന്നും അമീർ ഓർമിപ്പിച്ചു.
ലോകത്ത്‌ സംഘർഷങ്ങളും പാരിസ്ഥിതിക പ്രശ്നങ്ങളും ഭീകരവാദവും വര്ധിച്ചുവരുന്നതായും അമീർ പറഞ്ഞു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആ പ് നമ്പറിലേക്ക് സന്ദേശമയക്കുക
