March 11, 2020
March 11, 2020
ദോഹ : കോവിഡ് വൈറസ് ബാധയുടെ പശ്ചാത്തലത്തിൽ ഖത്തറിലെ മുഴുവൻ ശിഷാ-ഹുക്കാ റെസ്റ്റോറന്റുകൾക്കും വിലക്ക് ഏർപ്പെടുത്തി.കൊറോണാ വൈറസിന്റെ വ്യാപനം തടയുന്നതിനുള്ള മുൻകരുതൽ നടപടികളുടെ ഭാഗമായാണ് തീരുമാനം. സൂഖ് വാഖിഫ്,കത്താറാ തുടങ്ങി വിനോദ സഞ്ചാരികൾ കൂടുതലായി എത്തുന്ന കേന്ദ്രങ്ങളിൽ നിലവിൽ നിരവധി ഹുക്കാ-ശിഷാ റസ്റ്റോറന്റുകൾ പ്രവർത്തിക്കുന്നുണ്ട്. ശിഷാ സൗകര്യമുള്ള മറ്റ് റെസ്റ്റോറന്റുകൾക്കും പൊതുജനാരോഗ്യമന്ത്രാലയം ഇതുസംബന്ധിച്ച നിർദേശം നൽകിയിട്ടുണ്ട്.
പുകവലിക്കായി ശിഷയും ഹുക്കകളും അനുവദിക്കരുതെന്ന് സൂക്ക് വാഖിഫിലെയും കത്താറ കൾച്ചറൽ വില്ലേജിന്റെയും മാനേജ്‌മെന്റുകൾ അവരുടെ പരിധിയിലുള്ള സ്ഥാപനങ്ങൾക്ക് നിർദ്ദേശം നൽകി. ഖത്തറിൽ ഇതുവരെ 24 പേർക്ക് കോവിഡ് 19 ബാധ സ്ഥിരീകരിച്ചിട്ടുണ്ട്.
