September 07, 2021
September 07, 2021
ദോഹ : ഖത്തറിലെ അൽ വുഖൈറിൽ യുവാവിനെ മൂന്ന് ദിവസമായി കാണാതായതായി പരാതി. പ്രദേശത്ത് ഊർജ്ജിതമായ തിരച്ചിൽ നടക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് വാർത്ത പുറംലോകമറിഞ്ഞത്.
അൽവുഖൈറിന്റെ തെക്ക് ഭാഗത്തെ പ്രദേശമായ അൽഖാരയിലാണ് യുവാവിനെ അവസാനമായി കണ്ടത്. സമൂഹമാധ്യമങ്ങളിൽ നിന്ന് ലഭിക്കുന്ന സൂചനകൾ പ്രകാരം 33 വയസ്സാണ് യുവാവിന്റെ പ്രായം.ഇയാൾ ഏതു രാജ്യക്കാരനാണെന്ന് റിപ്പോർട്ടിൽ വ്യക്തമല്ല. 2003 മോഡൽ സിൽവർ ലാൻഡ് ക്രൂയിസർ കാറിലാണ് ഇയാളെ അവസാനമായി കണ്ടത്.
