August 14, 2022
August 14, 2022
ദോഹ : കണ്ണൂർ വിമാനത്താവളത്തിൽ നിന്നും വിദേശ വിമാന കമ്പനികൾക്ക് സർവ്വീസ് നടത്താനുള്ള അനുമതി നൽകണമെന്ന് ഖത്തറിലെ കണ്ണൂർ നിവാസികളുടെ സൗഹൃദ കൂട്ടായ്മയായ കുവാഖ് വാർഷിക ജനറൽ ബോഡി യോഗം ആവശ്യപ്പെട്ടു. ഐ സി സി മുംബൈ ഹാള്ളിൽ ചേർന്ന ജനറൽ ബോഡി യോഗത്തിലാണ് കുവാഖ് ഇക്കാര്യം ആവശ്യപ്പെട്ടത്. പ്രസിഡന്റ്‌ മുഹമ്മദ് നൗഷാദ് അബുവിന്റെ അധ്യക്ഷതയിൽ ചേർന്ന യോഗത്തിൽ ജനറൽ സെക്രട്ടറി വിനോദ് വള്ളിക്കോൽ പ്രവർത്തന റിപ്പോർട്ടും ട്രഷറർ ആനന്ദജൻ സാമ്പത്തിക റിപ്പോർട്ടും അവതരിപ്പിച്ചു. ഈ അടുത്ത നാളുകളിൽ നമ്മെ വിട്ടു പിരിഞ്ഞവർക്ക് ആദരാഞലികൾ അർപിച്ചു കൊണ്ടുള്ള അനുശോചന പ്രമേയം സഞ്ജയ് രവീന്ദ്രൻ അവതരിപ്പിച്ചു.
മറ്റു സമീപ വിമാനത്താവളങ്ങളെക്കാൾ കണ്ണൂരിലേക്ക് അധിക യാത്രാ നിരക്ക് ഈടാക്കുന്ന പ്രവണത അവസാനിപ്പിക്കാനുള്ള നടപടികൾ കൈകൊള്ളണമെന്നും ഖത്തറിൽ നിന്ന് കൂടുതൽ ഫ്ലൈറ്റുകൾ ഷെഡ്യൂൾ ചെയ്യണമെന്നും ആവശ്യപ്പെട്ടു കൊണ്ട് കേന്ദ്ര-സംസ്ഥാന സർക്കാറുക്കൾക്കായുള്ള പ്രമേയം റിജിൻ പള്ളിയത്ത് അവതരിപ്പിച്ചു.
എക്സിക്യൂട്ടീവ് കമ്മിറ്റിയിലേക്ക് പുതുതായി തിരഞ്ഞെടുത്ത അംഗങ്ങളെ സ്ഥാപകാംഗം ശശിധരൻ പി വി പരിചയപ്പെടുത്തി.
2022- 24 വർഷത്തേക്കുള്ള ഭരണസമിതി അംഗങ്ങളെ വിനോദ് വള്ളിക്കോൽ പരിചയപ്പെടുത്തി.
വിനോദ് വള്ളിക്കോൽ സ്വാഗതവും അമിത്ത് രാമകൃഷ്ണൻ നന്ദിയും രേഖപ്പെടുത്തി.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്ന ലിങ്കിൽ ജോയിൻ ചെയ്യുക
