June 01, 2022
June 01, 2022
പാരീസ് : ഖത്തർ രാജകുടുംബാംഗവും കോടീശ്വരനുമായ അബ്ദുൽ അസീസ് ബിൻ ഖലീഫ അൽതാനിയുടെ (73) മൂന്നാമത്തെ ഭാര്യയായ കാസിയ ഗല്ലാനിയോ(45) സ്‌പെയിനിൽ മരിച്ച നിലയിൽ കണ്ടെത്തി.മയക്കുമരുന്ന് അമിതമായി കഴിച്ചതിനെ തുടർന്നാണ് മരണം സംഭവിച്ചതെന്ന് സ്‌പാനിഷ്‌ മാധ്യമങ്ങൾ റിപ്പോർട്ട് ചെയ്തു.മാർബല്ലയിലെ വീട്ടിലാണ് മൃതദേഹം കണ്ടെത്തിയത്.
ശാരീരിക പീഡനത്തിന്റെ ലക്ഷണങ്ങളൊന്നും ശരീരത്തിൽ ഇല്ലായിരുന്നുവെന്നും കിടപ്പുമുറിയിലെ കിടക്കയിൽ ഞായറാഴ്ച രാവിലെ മൃതദേഹം കണ്ടെത്തുകയായിരുന്നുവെന്നും പോലീസിനെ ഉദ്ധരിച്ച് 'ലെ പാരീസിയൻ'പത്രം റിപ്പോർട്ട് ചെയ്തു.
പോസ്റ്റ്‌മോർട്ടം ഇനിയും പൂർത്തിയായില്ലെങ്കിലും മയക്കുമരുന്ന് അമിതമായി കഴിച്ചതാണ് മരണകാരണമെന്നാണ് പ്രാഥമിക അന്വേഷണ റിപ്പോർട്ടിൽ പറയുന്നത്.
ഖത്തർ ഭരണകൂടത്തിനെതിരായ അട്ടിമറി ശ്രമങ്ങളുടെ പേരിൽ നാടുകടത്തപ്പെട്ട അബ്ദുൽ അസീസ് ബിൻ ഖലീഫ അൽതാനി 90-കൾ മുതൽ ഫ്രാൻസിലാണ് സ്ഥിരതാമസം.2004-ൽ ഖത്തർ രാജകുടുംബത്തെ വിവാഹം കഴിച്ച ഗല്ലാനിയോക്ക് ഈ ബന്ധത്തിൽ മൂന്നു കുട്ടികളുണ്ട്. പിന്നീട് വിവാഹമോചനം നേടുകയായിരുന്നു.
ലോസ് ഏഞ്ചൽസിൽ ജനിച്ച പോളിഷ് വംശജയായ ഗലാനിയോ വിഷാദരോഗത്തിനും അമിത മദ്യപാനത്തിനും അടിപ്പെട്ട് സ്‌പെയിനിലെ റിസോർട്ട് നഗരമായ മാർബെല്ലയിലെ വീട്ടിൽ താമസിച്ചു വരികയായിരുന്നു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
