January 17, 2020
January 17, 2020
ന്യൂഡൽഹി : സിഎഎ, എൻആർസി വിഷയങ്ങളില്‍ കേന്ദ്രസർക്കാരിനെ അനുകൂലിച്ച ഡൽഹി ഷാഹി ഇമാം അഹ്മദ് ബുഖാരി നിലപാട് മാറ്റി. വെള്ളിയാഴ്ച ജുമുഅ ഖുതുബയിലാണ് ഡൽഹി ഇമാം പഴയ നിലപാടിൽ നിന്ന് മലക്കം മറിഞ്ഞത്. ഒരു ദിവസം രാജ്യം മുഴുവൻ എൻ.ആർ.സി നടപ്പാക്കുമെന്ന് ആഭ്യന്തര മന്ത്രി പറയുന്നു. തൊട്ടടുത്ത ദിവസം പ്രധാനമന്ത്രി അത് തിരുത്തുന്നു. ഇന്ത്യയിലെ കുഗ്രാമങ്ങളിൽ താമസിക്കുന്നവർ എങ്ങനെ രേഖകളുണ്ടാക്കിമെന്നാണ് സർക്കാർ പ്രതീക്ഷിക്കുന്നതെന്നും ഇമാം ചോദിച്ചു.
ജനങ്ങളെ ആശങ്കയിലാക്കുന്നതാണ് ഇത്തരം പരാമർശങ്ങൾ. യു.പിയിലെ മുസ്ലിംകൾക്ക് സി.എ.എക്കെതിരായ സമരത്തിൽ സ്വന്തം ജീവൻ പോലും ത്യജിക്കേണ്ടി വന്നിരിക്കുകയാണ്. എത്രകാലം മുസ്ലിംകൾക്ക് ഇങ്ങനെ സഹിക്കാനാകുമെന്നും അദ്ദേഹം ചോദിച്ചു. സി.എ.എ മുസ്ലിംകളെ ബാധിക്കുന്നതല്ലെന്നായിരുന്നു നേരത്തെ ഇമാം നിലപാടെടുത്തിരുന്നത്.
