September 22, 2021
September 22, 2021
ദോഹ: ഖത്തറിലെ പ്രധാന പാർക്കുകളിൽ ഒന്നായ ദഹ്‌ൽ അൽ ഹമാം പാർക്ക് നാളെ മുതൽ (സെപ്റ്റംബർ 23) മുതൽ താൽകാലികമായി അടച്ചിടുമെന്ന് അധികൃതർ അറിയിച്ചു. ആവശ്യമായ അറ്റകുറ്റപ്പണികൾ നടത്താൻ വേണ്ടിയാണ് പാർക്ക് അടച്ചിടാൻ തീരുമാനിച്ചതെന്ന് മുനിസിപ്പാലിറ്റി-പരിസ്ഥിതി മന്ത്രാലയം അറിയിച്ചു. കുട്ടികൾക്കായി നിരവധി വിനോദ ഉപാധികളുള്ള പാർക്ക് അൽ മർഖിയ തെരുവിനും, അറബ് യൂണിവേഴ്സിറ്റി തെരുവിനും ഇടയിലായാണ് സ്ഥിതി ചെയ്യുന്നത്. സന്ദർശകർക്ക് സൗജന്യ വൈഫൈ സംവിധാനം നൽകുന്ന പാർക്കിൽ ഫുട്ബോൾ, ബാസ്കറ്റ്ബോൾ, സ്‌കേറ്റ്ബോർഡിങ് എന്നിവയ്ക്കും സൗകര്യമുണ്ട്. സ്നാക്കുകൾ വാങ്ങാനുള്ള കടകളും പാർക്കിൽ തന്നെ ഉള്ളതിനാൽ നിരവധി സന്ദർശകരാണ് നിത്യേന ഇവിടേക്ക് എത്താറുള്ളത്.
