March 16, 2021
March 16, 2021
ദോഹ: ഇറാഖ് വിദേശകാര്യമന്ത്രി ഫുവാദ് മുഹമ്മദ് ഹുസൈനുമായി ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനി കൂടിക്കാഴ്ച നടത്തി. ചൊവ്വാഴ്ച അമീരി ദിവാനിലെ ശൈഖ് അബ്ദുല്ല ബിന്‍ ജാസിം മജ്‌ലിസില്‍ വച്ചാണ് ഇറാഖ് വിദേശകാര്യമന്ത്രിയും പ്രതിനിധി സംഘവും അമീറിനെ കണ്ടത്.
ഇറാഖ് പ്രസിഡന്റ് ഡോ. ബര്‍ഹാം സാലിഹിന്റെ ആശംസകള്‍ വിദേശകാര്യ മന്ത്രി ഖത്തര്‍ അമീറിനെ അറിയിച്ചു. അമീറിന് തുടര്‍ന്നും വിജയങ്ങളും ഖത്തരി ജനതയ്ക്ക് കൂടുതല്‍ പുരോഗതിയും സമൃദ്ധിയും അദ്ദേഹം നേര്‍ന്നു.
ഇറാഖ് പ്രസിഡന്റിന് ആശംസകള്‍ അറിയിക്കാനായി ഇറാഖ് വിദേശകാര്യമന്ത്രി ഫുവാദ് മുഹമ്മദ് ഹുസൈനിനെ ഖത്തര്‍ അമീര്‍ ചുമതലപ്പെടുത്തി. അദ്ദേഹത്തിന് നല്ല ആരോഗ്യവും ക്ഷേമവും നേരുന്നുവെന്നും ഇറാഖി ജനതയ്ക്ക് വികസനവും വളര്‍ച്ചയും ഉണ്ടാകട്ടെയെന്നും അമീര്‍ ആശംസിച്ചു.
കൂടിക്കാഴ്ചയില്‍ ഇരുരാജ്യങ്ങളും തമ്മിലുള്ള ഉഭയകക്ഷി ബന്ധവും അവ വികസിപ്പിക്കുന്നതിനുള്ള മാര്‍ഗങ്ങളും പ്രാദേശിക-അന്താരാഷ്ട്ര സംഭവവികാസങ്ങളും രണ്ട് നേതാക്കളും അവലോകനം ചെയ്തു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
