November 17, 2020
November 17, 2020
നജ്‌റാൻ : വിദേശ തൊഴിലാളികൾ കൂടുതലായി താമസിക്കുന്ന നജ്റാനിലെ ചേരിപ്രദേശങ്ങളിൽ പ്രവർത്തിക്കുന്ന 20 വ്യാപാര സ്ഥാപനങ്ങളും 23 ആഡിറ്റോറിയങ്ങളും 16 മുസ്‌ലിം പള്ളികളും പൂട്ടാൻ മേഖലാ ഗവർണർ ഉത്തരവിട്ടു.കോവിഡ് പ്രതിരോധ നടപടികൾ അവലോകനം ചെയ്യുന്നതിനുള്ള അടിയന്തര യോഗത്തിലാണ് നിർദേശം.
പ്രവിശ്യയിൽ നിയമ നിർദേശങ്ങൾ ലംഘിച്ച് സ്വകാര്യ കേന്ദ്രങ്ങളിലും മറ്റും സാമൂഹിക ഒത്തുചേരലുകൾ സംഘടിപ്പിക്കുന്നതായി ശ്രദ്ധയിൽ പെട്ടതിനെ തുടർന്നാണ് നടപടി.പരിപാടികൾ സംഘടിപ്പിച്ചവരെ പോലീസ് വിളിച്ചുവരുത്തിയ ശേഷം ശിക്ഷാ നടപടികൾ സ്വീകരിക്കും.പള്ളികളിലും വിദേശ തൊഴിലാളികളുടെ താമസ സ്ഥലങ്ങളിലും മുൻകരുതൽ,പ്രതിരോധ നടപടികളും കോവിഡ് പ്രോട്ടോക്കോളുകളും ബാധകമാക്കുന്നതിന് ഫീൽഡ് കമ്മറ്റികളും ബന്ധപ്പെട്ട വകുപ്പുകളും നേരിടുന്ന വെല്ലുവിളികളും യോഗം അവലോകനം ചെയ്തു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.
