May 05, 2023
May 05, 2023
ന്യൂസ്‌റൂം ബ്യുറോ
റിയാദ് : റിയാദ് താമസ മുറിയിലുണ്ടായ തീപിടുത്തത്തിൽ മരിച്ച രണ്ടു മലയാളികളെ തിരിച്ചറിഞ്ഞു.മലപ്പുറം സ്വദേശി ഇർഫാൻ ഹബീബ് (35), വളാഞ്ചേരി സ്വദേശി തറക്കൽ അബ്ദുൽ ഹക്കീം (31) എന്നിവരാണ് മരിച്ചത്.റിയാദിലെ ഖാലിദിയയില്‍ പെട്രോള്‍ പമ്പിലെ താമസസ്ഥലത്താണ് ഷോർട് സർക്യൂട്ട് കാരണം തീപിടുത്തമുണ്ടായത്.അപകടത്തിൽ ആറ് ഇന്ത്യക്കാർ മരിച്ചതായാണ് റിപ്പോർട്ട്.ഇവരിൽ നാലുപേർ മലയാളികളാണെന്നാണ് ആദ്യം വിവരം ലഭിച്ചതെങ്കിലും വ്യക്തമായ വിവരം ഇനിയും ലഭ്യമായിട്ടില്ല.
ഗുജറാത്ത്, തമിഴ്‌നാട്, മഹാരാഷ്ട്ര, രാജസ്ഥാൻ സ്വദേശികളാണ് മറ്റുള്ളവർ എന്നാണ് വിവരം. കൂടുതൽ മലയാളികൾ ഉണ്ടോ എന്നത് വ്യക്തമായിട്ടില്ല. ഇന്നലെ രാത്രി ഒന്നരക്കാണ് അപകടം. പെട്രോള്‍ പമ്പില്‍ പുതുതായി ജോലിക്കെത്തിയവരാണ് എല്ലാവരും. ഇന്ത്യന്‍ എംബസി ഉദ്യോഗസ്ഥരും റിയാദ് കെഎംസിസി വെല്‍ഫയര്‍ വിംഗ് ചെയര്‍മാന്‍ സിദ്ദീഖ് തുവ്വൂരും മരിച്ചവരുമായി ബന്ധപ്പെട്ട നടപടികളുമായി രംഗത്തുണ്ട്. മൃതദേഹങ്ങള്‍ ശുമൈസി ആശുപത്രി മോര്‍ച്ചറിയിലാണ്. മരിച്ചത് നാല് മലയാളികളെന്നാണ് സാമൂഹ്യ പ്രവർത്തകർക്ക് ആദ്യം വിവരം ലഭിച്ചിരുന്നത്.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL
