November 09, 2022
November 09, 2022
ന്യൂസ്‌റൂം ബ്യുറോ
ഷാര്‍ജ: ഷാർജ വ്യവസായ മേഖല-8ല്‍ രണ്ട് ഈജിപിത് സ്വദേശികള്‍ കുത്തേറ്റുമരിച്ചു. ഈജിപ്ത്യന്‍ സ്വദേശി തന്നെയായ പ്രതിയെ പൊലീസ് അറസ്റ്റ് ചെയ്തു.ഏഷ്യന്‍ വംശജനായ ഒരാള്‍ കുത്തേറ്റ പരിക്കുകളോടെ ആശുപത്രിയില്‍ ചികില്‍സയിലാണ്. തിങ്കളാഴ്ച പുലര്‍ച്ചെ രണ്ടോടെയാണ് സംഭവമുണ്ടായത്.
ഗുരുതരമായി പരിക്കേറ്റ രണ്ട് പേരും സംഭവസ്ഥലത്തുവെച്ച് തന്നെ മരിച്ചു. പരിക്കേറ്റ പ്രവാസിയെ ആശുപത്രിയിലേക്ക് മാറ്റി. ഇയാള്‍ ഏത് രാജ്യക്കാരനാണെന്ന് വ്യക്തമല്ല.
ഉറങ്ങുകയായിരുന്നവരെ പ്രതി കത്തികൊണ്ട് കുത്തുകയായിരുന്നു. പരിക്കേറ്റ ഏഷ്യന്‍ വംശജനാണ് പ്രതികളെ കുറിച്ചുള്ള വിവരങ്ങള്‍ പൊലീസിന് നല്‍കിയത്. കേസ് റിപ്പോര്‍ട്ട് ചെയ്യപ്പെട്ട ഉടന്‍ സംഭവ സ്ഥലത്തെത്തിയ പൊലീസ് പ്രതിയെ റെക്കോര്‍ഡ് സമയത്തില്‍ പിടികൂടിയെന്ന് അധികൃതര്‍ അറിയിച്ചു. കൂടുതല്‍ തെളിവുകള്‍ ശേഖരിക്കുന്നതിനായി പൊലീസ് സാക്ഷികളെ ചോദ്യം ചെയ്തു. നടപടിക്രമങ്ങള്‍ പൂര്‍ത്തിയാക്കുന്നതിന് കേസ് പബ്ലിക് പ്രോസിക്യൂട്ടര്‍ക്ക് കൈമാറിയതായും പൊലീസ് അറിയിച്ചു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
