September 06, 2022
September 06, 2022
ദുബായ് : യു.എ.ഇയിൽ റോഡ് ടോൾ പിരിക്കുന്നതിനുള്ള സാലിക് 20 ശതമാനം ഓഹരികൾ പൊതുജനങ്ങൾക്ക് വിൽക്കുന്നു.സ്വദേശികൾക്കും വിദേശികൾക്കും സാലിക്കിന്റെ ഓഹരികൾ വാങ്ങാം. ദുബായിൽ ഏറ്റവും അധികം വരുമാനമുള്ള സർക്കാർ സംരംഭമാണു സാലിക് ടോൾ പിരിവ്.
ഓഹരിയുടെ വില ഇനിയും പുറത്തു വിട്ടിട്ടില്ല. മൊത്തം 150 കോടി ഓഹരികൾ വിൽക്കും. 15 മുതൽ 20 വരെയാണ് വിൽപന.രാജ്യത്തെ പ്രമുഖ ബാങ്കുകളിലെല്ലാം സാലിക്കിന്റെ ഓഹരി ലഭിക്കും. 2007ലാണ് ദുബായിൽ സാലിക് ഏർപ്പെടുത്തിയത്.
അൽ ബർഷ, ജബൽ അലി, അൽ മംസർ നോർത്ത്, അൽ മസാർ സൗത്ത്, അൽ ഗറൂദ്,രാജ്യാന്തര വിമാനത്താവളത്തിന്റെ ടണൽ, അൽ മക്തും ബ്രിഡ്‌ജ്‌ എന്നിവിടങ്ങളിലായി നിലവിൽ 8 ടോൾ ഗേറ്റുകളാണ് ദുബായിൽ ഉള്ളത്.ഭാവിയിൽ കൂടുതൽ ടോൾ ഗേറ്റുകൾ വരാനുള്ള സാധ്യതയും നിലവിലുണ്ട്. 48.1 കോടി ട്രിപ്പുകളാണ് 2021ൽ സാലിക് വഴി കടന്നുപോയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക
