December 13, 2019
December 13, 2019
റിയാദ് : റിയാദിലെ സെൻട്രൽ ജയിലിൽ ഉണ്ടായ തീപിടുത്തത്തിൽ മൂന്ന് പേർ വെന്തു മരിച്ചു. പ്രധാനപ്പെട്ട കേസുകളിൽ ഉൾപെടെ ശിക്ഷിക്കപ്പെട്ട പ്രതികൾ താമസിക്കുന്ന ജയിലിലാണ് തീപിടുത്തമുണ്ടായത്. സൗദി തലസ്ഥാനത്തിന്റെ പ്രധാന ജില്ലയായ മലസിൽ സ്ഥിതി ചെയ്യുന്ന ജയിലിൽ വ്യാഴാഴ്ച പുലർചയോടെയാണ് തീപിടുത്തമുണ്ടായത്. എന്നാൽ രാത്രി വൈകിയാണ് വിവരം ഔദ്യോഗികമായി പുറത്തുവിട്ടത്.
ജയിൽ വകുപ്പിനെ ഉദ്ധരിച്ച് സൗദി പ്രസ് ഏജൻസിയാണ് വാര്‍ത്ത റിപ്പോർട്ട് ചെയ്തത്. തീപിടിത്തമുണ്ടായ ഉടൻ ജയിൽ അധികൃതർ രക്ഷാപ്രവർത്തനം നടത്തുകയും തടവുകാരെ സുരക്ഷിത സ്ഥലങ്ങളിലേക്ക് ഒഴിപ്പിക്കുകയും പരിക്കേറ്റവരെ അടിയന്തര ശുശ്രൂഷകൾ നൽകി ശുമൈസിയിലെ കിങ് സൗദ് മെഡിക്കൽ സിറ്റിയിൽ പ്രവേശിപ്പിക്കുകയും ചെയ്തു. സമീപത്തെ മറ്റു വാർഡുകളിലേക്കും കെട്ടിടങ്ങളിലേക്കും പടർന്നുപിടിക്കുന്നതിനു മുമ്പായി സിവിൽ ഡിഫൻസിന്റെ അഗ്നിശമന സേനാ യൂണിറ്റുകൾ എത്തി തീ നിയന്ത്രണവിധേയമാക്കി.
