July 11, 2021
July 11, 2021
റിയാദ്:സൗദിയില് പ്രാദേശിക വിപണിയില് എണ്ണവില വര്ധനവ് നിയന്ത്രിക്കാന് സല്മാന് രാജാവ്് പ്രത്യേക ഉത്തരവ് പുറപ്പെടുവിച്ചു.
ഇനി മാസംപ്രതി വിലവര്ധന ഉണ്ടാവില്ല. ഇനി മുതല് ജൂണ് മാസത്തെ വിലയായിരിക്കും പരിഗണിക്കുക.വില വര്ധിക്കുന്ന സാഹചര്യത്തില് ബാക്കി തുക സര്ക്കാര് വഹിക്കും. അന്താരാഷ്ട്ര വിപണിയിലെ എണ്ണവിലക്കനുസരിച്ച് രാജ്യത്തെയും വില പുതുക്കി നിശ്ചയിക്കുന്ന രീതിയാണ് നിലവില് തുടര്ന്നുവരുന്നത്. എല്ലാ മാസവും 11ാം തിയ്യതിയിലാണ് പുതുക്കിയ വിലവിവര പട്ടിക പുറത്തിറക്കാറുള്ളത്. പുതിയ രാജവിജ്ഞാപനമനുസരിച്ച് ഈ മാസം വിലയില് വര്ധനവുണ്ടാവില്ല. ജൂണ് മാസത്തെ വില തന്നെ തുടരും. 91 ഇനം പെട്രോളിന് 2.18 റിയാലും 95 പെട്രോളിന് 2.33 റിയാലുമാണ് ഈടാക്കുക. എണ്ണക്കമ്പനികള്ക്കുണ്ടാവുന്ന നഷ്ടം സര്ക്കാര് വഹിക്കും.