April 09, 2020
April 09, 2020
റിയാദ് : സൗദി അറേബ്യയിൽ വ്യാഴാഴ്ച മൂന്ന് പേർ കൂടി മരിച്ചു. 355 പേരിലാണ് ഇന്ന് രോഗബാധ സ്ഥിരീകരിച്ചത്. സൌദി ആരോഗ്യ മന്ത്രാലയമാണ് കണക്ക് പുറത്ത് വിട്ടത്.ഇതോടെ മരണ സംഖ്യ 44 ആയി. രോഗബാധിതരുടെ എണ്ണം 3287 ആയി ഉയര്ന്നു.
35 പേര്ക്കാണ് ഇന്ന് രോഗമുക്തി സ്ഥിരീകരിച്ചത്. ഇതോടെ സുഖം പ്രാപിച്ചവരുടെ എണ്ണം 666 ആയി. റിയാദില് ഇന്ന് മാത്രം രോഗികളുടെ എണ്ണം 83 ആയതോടെ ആകെ രോഗം സ്ഥിരീകരിച്ചവരുടെ എണ്ണം 878 ആയി ഉയര്ന്നു. മദീനയില് ഇന്ന് 89 പുതിയ കേസുകള് ഉള്പ്പെടെ രോഗസംഖ്യ 420 ആയി. മക്കയില് ഇന്ന് 78 കേസുകള് കൂടി സ്ഥിരീകരിച്ചതോടെ ആകെ രോഗസംഖ്യ 631 ആയി. ജിദ്ദയില് 45 പുതിയ കേസുകളടക്കം രോഗസംഖ്യ 477 ആയി. തബൂക്കില് 26 പുതിയ കേസുകളും ഖതീഫില് പത്ത് പുതിയ കേസുകളും റിപ്പോര്ട്ട് ചെയ്തു. റിയാദിലും മദീനയിലും മലയാളികളടക്കം നിരവധി ഇന്ത്യക്കാര് ചികിത്സയിലുണ്ട്. പുറത്തിറങ്ങിയാല് അവസ്ഥ ഗുരുതരമാകുമെന്ന് ആരോഗ്യ മന്ത്രാലയം ഇന്നും മുന്നറിയിപ്പ് നല്കി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.