September 13, 2021
September 13, 2021
റിയാദ് : വിസ കാലാവധി നീട്ടി സൗദിയിൽ തുടരാൻ ശ്രമിച്ച പ്രവാസികൾക്ക് ഇരുട്ടടിയായി ജവാസാത്തിന്റെ പുതിയ നിർദേശം.. രണ്ടാഴ്ച്ചക്കകം ഇത്തരക്കാർ രാജ്യം വിടാനാണ് സന്ദർശക വിസയിലുള്ളവരോട് ജവാസാത്ത് ആവശ്യപ്പെട്ടത്. കഴിഞ്ഞ ഒരു വർഷമായി സൗദിയിൽ കഴിയുന്ന പ്രവാസികളിൽ പലരും വിസ പുതുക്കാൻ ശ്രമിക്കുമ്പോൾ "രണ്ടാഴ്ചക്കകം നാടുവിടണം" എന്ന സന്ദേശമാണ്‌ ലഭിക്കുന്നത് എന്ന് പരാതി പറഞ്ഞിരുന്നു. പിന്നാലെയാണ് ജവാസാത്തിന്റെ വിശദീകരണം എത്തിയത്.
മൂന്ന് മാസത്തേക്ക് വിസ ദീർഘിപ്പിക്കാൻ ശ്രമിച്ചവർക്ക് രണ്ടാഴ്ച സമയത്തേക്കുള്ള വിസ മാത്രമാണ് അനുവദിച്ചുകിട്ടിയത്. സൗദി നിയമം പ്രകാരം കാലാവധി തീരും മുൻപ് തന്നെ മടങ്ങേണ്ടതുണ്ടെന്നും, ഇക്കാര്യത്തിൽ വീഴ്ച വരുത്തുന്നതായി ശ്രദ്ധയിൽ പെട്ടാൽ നിയമനടപടികൾ നേരിടേണ്ടി വരുമെന്നും ജവാസാത്ത് മുന്നറിയിപ്പ് നൽകി. കോവിഡ് വ്യാപനത്തെ ഒരു പരിധിവരെ കുറയ്ക്കാൻ കഴിഞ്ഞതിന് പിന്നാലെയാണ് സൗദി ഇത്തരമൊരു നീക്കം നടത്തുന്നത്. പല രാജ്യങ്ങളിലേക്കുമുള്ള വിമാനസർവീസുകൾ ഈയിടെ പുനരാരംഭിച്ചിരുന്നു.
