April 04, 2020
April 04, 2020
റിയാദ് : സൗദിയില് കോവിഡ് മരണം 29 ആയി. ശനിയാഴ്ച മലയാളി ഉൾപെടെ നാല് പേരാണ് മരിച്ചത്. ഇന്ന് അസുഖം സ്ഥിരീകരിച്ചത് പുതുതായി 140 പേര്ക്കാണ്. ഇതോടെ ആകെ അസുഖ ബാധിതരുടെ എണ്ണം 2179 ആയി. രോഗമുക്തി നേടിയവരുടെ എണ്ണം 420 ആയി. 1730 പേരാണ് നിലവില് ചികിത്സയില് തുടരുന്നത്.
മദീനയില് ഇന്ന് രാവിലെ മരണപ്പെട്ട കണ്ണൂർ പാനൂർ സ്വദേശിക്ക് പുറമെ ജിദ്ദയിലും മക്കയിലുമായി രണ്ട് പ്രവാസികൾ കൂടി ഇന്ന് മരണപ്പെട്ടിട്ടുണ്ട്. സൗദി വനിതയാണ് മരിച്ച മറ്റൊരാൾ. ഇന്ന് ഏറ്റവും കൂടുതല് കേസുകള് റിയാദിലാണ് റിപ്പോർട്ട് ചെയ്തത്. റിയാദില് 66, ജിദ്ദയില് 21, അല് അഹ്സയില് 15, മക്കയില് 9, തബൂക്കിലും ഖതീഫിലും അഞ്ച്, താഇഫില് നാല്, മദീന ഖോബാര് ദമ്മാം ദഹ്റാന് എന്നിവിടങ്ങളില് രണ്ട് വീതം, അബഹ ഖമീസ്മുശൈത്ത് ബുറൈദ ജസാന് മജ്മഅ് ദിരിയ എന്നിവിടങ്ങളില് ഓരോ കേസുകളും റിപ്പോര്ട്ട് ചെയ്തു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക