March 30, 2023
March 30, 2023
ന്യൂസ്‌റൂം ബ്യൂറോ
ജിദ്ദ: ലൈത്തിന് വടക്ക് പ്രവര്‍ത്തിക്കുന്ന സ്‌കൂളിനു കീഴിലെ ബസ് കത്തിനശിച്ചു. അപകടത്തില്‍ ആര്‍ക്കും പരിക്കേറ്റിട്ടില്ലെന്ന് ലൈത്ത് വിദ്യാഭ്യാസ വകുപ്പ് വക്താവ് മുഹമ്മദ് അല്‍ആഖില്‍ പറഞ്ഞു.
ലൈത്ത് വിദ്യാഭ്യാസ വകുപ്പിനു കീഴില്‍ വിദ്യാര്‍ത്ഥികള്‍ക്ക് ഗതാഗത സൗകര്യം ഒരുക്കാനുള്ള കരാര്‍ ഏറ്റെടുത്ത തത്വീര്‍ എജ്യുക്കേഷനല്‍ സര്‍വീസസ് കമ്പനി ബസാണ് കത്തിനശിച്ചത്. ഇന്ധനം
നിറയ്ക്കാന്‍ പോകുന്നതിനിടെ ഉച്ചയ്ക്ക് 12.30നായിരുന്നു അപകടം. ഈ സമയത്ത് ബസില്‍ വിദ്യാര്‍ത്ഥികളുണ്ടായിരുന്നില്ല. അതിനാല്‍ വലിയ അപകടം ഒഴിവായി.
വിദ്യാര്‍ത്ഥികളെ വീടുകളിലേക്കെത്തിക്കാന്‍ തത്വീര്‍ എജ്യുക്കേഷനല്‍ സര്‍വീസസ് കമ്പനി ബദല്‍ ബസ് ഏര്‍പ്പെടുത്തിയതായും ലൈത്ത് വിദ്യാഭ്യാസ വകുപ്പ് അധികൃതര്‍ പറഞ്ഞു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
