February 05, 2021
February 05, 2021
ദുബായ്: മിനി വാനും കാറും കൂട്ടിയിടിച്ച് ദുബായിലുണ്ടായ വാഹനാപകടത്തില്‍ 15 പേര്‍ക്ക് പരുക്കേറ്റു. ഇതില്‍ നാല് പേരുടെ നില ഗുരുതരമാണെന്നും ദുബായ് പൊലീസ് അറിയിച്ചു. സീഹ് ശുഐബിന് സമീപം ഹസ്സ സ്ട്രീറ്റിലായിരുന്നു അപകടം.
ടു വേ റോഡിലാണ് അപകടം നടന്നത്. മിനി വാന്‍ മറ്റൊരു വാഹനത്തെ മറികടക്കുന്നതിനിടെ കാറുമായി നേര്‍ക്കുനേര്‍ കൂട്ടിയിടിക്കുകയായിരുന്നു.
അപകടം ഉണ്ടായ ഉടന്‍ തന്നെ അടിയന്തര ട്രാഫിക് പട്രോള്‍ വിഭാഗം സ്ഥലത്തെത്തി രക്ഷാപ്രവര്‍ത്തനം നടത്തിയെന്ന് ദുബായ് ട്രാഫിക് പൊലീസ് ജനറല്‍ ഡിപ്പാര്‍ട്ട്‌മെന്റ്‌സിലെ കമാന്റ് ആന്‍ഡ് കണ്‍ട്രോള്‍ റൂം ഡയറക്ടര്‍ ബ്രിഗേഡിയര്‍ സൈഫ് മുഹൈര്‍ അല്‍ മസ്‌റൂഇ പറഞ്ഞു.
പരുക്കേറ്റവര്‍ക്ക് അപകട സ്ഥലത്തു വച്ച് തന്നെ പ്രാഥമിക ചികിത്സ നല്‍കിയ ശേഷമാണാ് ആശുപത്രിയിലേക്ക് മാറ്റിയത്.
ടു വേ റോഡുകളില്‍ മറ്റ് വാഹനങ്ങളെ മറികടക്കുമ്പോള്‍ അതീവ ജാഗ്രത പുലര്‍ത്തണമെന്ന് ദുബായ് പൊലീസ് യാത്രക്കാരോട് നിര്‍ദ്ദേശിച്ചു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
