January 14, 2023
January 14, 2023
ന്യൂസ്‌റൂം ബ്യുറോ
ദമാം : പെരിന്തൽമണ്ണ മേലാറ്റൂർ എടപ്പറ്റ സ്വദേശി മുട്ടുപാറ യൂസുഫ് (43) ദമാം റിയാദ് റോഡിൽ വെച്ചുണ്ടായ വാഹനാപകടത്തിൽ മരിച്ചു. വ്യാഴാഴ്ച രാത്രി 12 മണിക്ക് റിയാദിനടുത്തു ഏകദേശം 200 കിലോ മീറ്റർ അകലെ യൂസുഫ് ഓടിച്ചിരുന്ന ഡെയ്ന ലോറി ട്രെയ്‌ലറുമായി കൂട്ടിയിടിച്ചാണ് അപകടം സംഭവിച്ചത്. കെൻസ് കമ്പനിയിൽ ഡ്രൈവർ ആയിരുന്ന ഇദ്ദേഹം സാധനങ്ങളുമായി ദമാമിൽ ഡെലിവറി ചെയ്തതിനു ശേഷം റിയാദിലേക്കു മടങ്ങി പോകുന്നവഴിയാണ് അപകടമുണ്ടായത്. അപകടത്തെ തുടർന്ന് സ്ഥലത്തെത്തിയ പോലീസ് കമ്പനി അധികൃതരെ അപകട വിവരം അറിയിക്കുകയായിരുന്നു. പിതാവ് ബീരാൻ, മാതാവ് മറിയ, ഭാര്യ റജീന, മക്കൾ സന നസ്രിൻ , ഷഹൽ ഷാൻ , ഫാത്തിമ ഷസ്സ.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക
