April 03, 2023
April 03, 2023
ന്യൂസ്റൂം ബ്യൂറോ
റിയാദ്: രാജ്യാന്തരവിപണയില് എണ്ണ വില സ്ഥിരപ്പെടുത്തുന്നതിനായി എണ്ണ ഉല്പാദനം കുത്തനെ വെട്ടിക്കുറക്കാന് തീരുമാനിച്ച് ഒപെക് പ്ലസ് രാജ്യങ്ങള്. മെയ് ഒന്ന് മുതല് വര്ഷാവസാനം വരെയായിരിക്കും നിയന്ത്രണം.
കഴിഞ്ഞ ഒക്ടോബറില് അസംസ്കൃത എണ്ണയുടെ വില സ്ഥിരപ്പെടുത്താന് എണ്ണ ഉല്പാദന രാജ്യങ്ങളായ ഒപെക്സ് പ്ലസ് രാജ്യങ്ങള് മറ്റ് രാജ്യങ്ങളുമായി ധാരണയിലെത്തിയിരുന്നു. അതിന്റെ അടിസ്ഥാനത്തിലാണ് മെയ് മാസം മുതല് വര്ഷാവസാനം വരെ ഉല്പാദനം കുറയ്ക്കാന് തീരുമാനിച്ചിരിക്കുന്നത്. ഇതനുസരിച്ച് സൗദി പ്രതിദിന എണ്ണ ഉല്പാദനത്തില് അഞ്ച് ലക്ഷം ബാരല് വെട്ടിക്കുറയ്ക്കും. പ്രതിദിന എണ്ണ ഉല്പാദനത്തില് 1,44,000 ബാരലിന്റെ കുറവ് വരുത്തുമെന്ന് യുഎഇ വ്യക്തമാക്കി. കുവൈത്ത് 1,28,000 ബാരല്, ഒമാന് 40,000 ബാരല്, ഇറാഖ് 2,11,000 ബാരല് എന്നിങ്ങനെയാണ് എണ്ണ ഉല്പാദമത്തില് കുറവ് വരുത്തുക. ക്രൂഡ് ഓയില് വിപണിയിലെ സ്ഥിതി വിലയുരുത്താന് ഒപെക്സ് പ്ലസ് രാജ്യങ്ങള് വൈകാതെ സംയുക്ത മന്ത്രിതല മേല്നോട്ട സമിതിയുടെ യോഗം ചേരും.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI