April 30, 2022
April 30, 2022
മസ്കത്ത് : ഒമാനിലെ സലാലയിൽ കോഴിക്കോട് കുറ്റ്യാടി സ്വദേശി വെടിയേറ്റു മരിച്ച സംഭവത്തിൽ ഒരാളെ റോയൽ ഒമാൻ പോലീസ് അറസ്റ്റ് ചെയ്തു.സ്വദേശി പൗരനാണ് പിടിയിലായത്. കേസ് അന്വേഷണം പുരോഗമിക്കുകയാണെന്നു പൊലീസ് ട്വീറ്റ് ചെയ്തു.
കുറ്റ്യാടി വേളം സ്വദേശി നിട്ടം തറമ്മല്‍ മൊയ്തീന്‍ മുസ്‍ലിയാരെ (56) ആണു വെള്ളിയാഴ്ച സലാല സദയി ലെ ഖദീജ പള്ളിയില്‍ മരിച്ച നിലയില്‍ കണ്ടെത്തിയത്. രാവിലെ പത്തിനും പതിനൊന്നിനും ഇടക്കായി നിസ്‌കാരത്തി നായി പള്ളിയില്‍ എത്തിയതായിരുന്നു മൊയ്തീന്‍. അല്‍പ്പസമയത്തിനു ശേഷം ഇവിടെയെത്തിയ ആളാണു മൊയ്തീൻ മരിച്ച നിലയില്‍ കിടക്കുന്നതു കണ്ടെത്തിയത്. സമീപത്തു നിന്നു വലിയ തോക്കും കണ്ടെത്തിയിരുന്നു.
30 വര്‍ഷത്തോളമായി സലാലയില്‍ ജോലി ചെയ്തുവരികയാണു മൊയ്തീന്‍. പിതാവ്: കുഞ്ഞബ്ദുല്ല മുസ്‌ലിയാര്‍, മാതാവ് : കുഞ്ഞാമി. ഭാര്യ: ആയിശ. മക്കള്‍: നാസര്‍, ബുഷ്റ, ഹഫ്സത്ത്. മരുമക്കള്‍: സലാം കക്കറമുക്ക്, ശംസുദ്ദീ ശംസുദ്ദീന്‍ കക്കറമുക്ക്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
