September 16, 2019
September 16, 2019
റാനിറ്റിഡൈന്‍ കാന്‍സറിന് കാരണമാകുമെന്നാണ് അമേരിക്കന്‍ ഫുഡ് ആൻഡ് ഡ്രഗ് അതോറിറ്റിയുടെ മുന്നറിയിപ്പിൽ പറയുന്നത്.
മസ്കത്ത്: അസിഡിറ്റിക്കുള്ള മരുന്നില്‍ അപകടകരമായ വസ്തുവിന്റെ സാന്നിധ്യമുള്ളതായി അമേരിക്കന്‍ ഫുഡ് ആന്‍ഡ് ഡ്രഗ് അതോറിറ്റിയുടെ മുന്നറിയിപ്പിന്റെ അടിസ്ഥാനത്തില്‍ ഒമാന്‍ ആരോഗ്യമന്ത്രാലയം ജാഗ്രത നിര്‍ദേശം പുറപ്പെടുവിച്ചു. ഇതേതുടർന്ന് മരുന്ന് വിപണിയില്‍ നിരീക്ഷണം ശക്തമാക്കി. റാനിറ്റിഡൈന്‍ എന്ന വസ്തുവിന്റെ സാന്നിധ്യമാണ് മരുന്നുകളില്‍ കണ്ടെത്തിയതെന്ന് ഒമാന്‍ ആരോഗ്യ മന്ത്രാലയത്തിെന്‍റ അറിയിപ്പില്‍ പറയുന്നു. സാന്‍റാക്ക് എന്നാണ് ഇത് വാണിജ്യാടിസ്ഥാനത്തില്‍ അറിയപ്പെടുന്നത്. അസിഡിറ്റി, വയറിലെ അള്‍സര്‍ എന്നിവയുടെ ചികിത്സക്ക് ഉപയോഗിക്കുന്ന മരുന്നുകളിലാണ് ഇവയുടെ സാന്നിധ്യമുള്ളത്.
ഒമാനില്‍ വില്‍ക്കുന്ന ഒരു മരുന്നിലും ഈ വസ്തുവിെന്‍റ സാന്നിധ്യമില്ലെന്ന് ഉറപ്പാക്കാന്‍ ബന്ധപ്പെട്ട അധികൃതരുമായി ചേര്‍ന്ന് എല്ലാ നടപടികളും കൈക്കൊണ്ടിട്ടുണ്ട്.സ്ഥിതിഗതികള്‍ സസൂക്ഷ്മം നിരീക്ഷിച്ചുവരുകയാണെന്നും ആരോഗ്യ മന്ത്രാലയം പ്രസ്താവനയില്‍ അറിയിച്ചു.
റാനിറ്റിഡൈന്‍ കാന്‍സറിന് കാരണമാകുമെന്നാണ് അമേരിക്കന്‍ ഫുഡ് ആൻഡ് ഡ്രഗ് അതോറിറ്റിയുടെ മുന്നറിയിപ്പിൽ പറയുന്നത്.റാനിറ്റിഡൈന്റെ കുറഞ്ഞ അളവിലുള്ള സാന്നിധ്യം കാര്യമായ അപകടം ഉണ്ടാക്കുമോയെന്നത് ഇനിയും വിലയിരുത്തേണ്ടിയിരിക്കുന്നുവെന്നും അമേരിക്കന്‍ അധികൃതര്‍ അറിയിച്ചു.
