April 09, 2020
April 09, 2020
മസ്കത്ത് : ഒമാനിൽ കോവിഡ് ബാധിച്ച് ചികിത്സയിലായിരുന്ന ഒരാൾ കൂടി മരിച്ചു. 41 കാരനായ വിദേശിയാണ് മരിച്ചത്. ഇതോടെ രോഗബാധിതർ ഏറ്റവും കുറവായിരുന്ന ഒമാനിലും മരണ സംഖ്യ മൂന്നായി. ഇതാദ്യമായാണ് ഒമാനിൽ ഒരു വിദേശി കോവിഡ് ബാധിച്ചു മരിക്കുന്നത്.ഇയാൾ ഏത് രാജ്യക്കാരനാണ് എന്നതടക്കമുള്ള വിവരങ്ങൾ ലഭ്യമല്ല.
ഒമാനിൽ ഇന്ന് 38 പേർക്ക് കൂടി രോഗബാധ സ്ഥിരീകരിച്ചിരുന്നു.സൗദിയിൽ മൂന്നു പേർ ഉൾപെടെ ഇന്ന് ഗൾഫിൽ മരണസംഖ്യ നാലായി.
മാർച്ച് 31നാണ് രാജ്യത്ത് ആദ്യ മരണമുണ്ടാകുന്നത്. മത്രയിൽ വ്യാപാരിയായ 72കാരനായ സ്വദേശിയാണ് മരിച്ചത്. ഏപ്രിൽ നാലിന് മറ്റൊരു 72കാരൻ കൂടി മരണപ്പെട്ടു. മൂന്ന് മരണങ്ങളും മസ്കത്ത് മേഖലയിലാണ് ഉണ്ടായത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
