February 09, 2023
February 09, 2023
ന്യൂസ്‌റൂം ബ്യുറോ
റിയാദ് :അമുസ്‌ലിംകൾക്ക് പ്രവേശനമില്ലാത്ത മദീനയിലെ മസ്ജിദുന്നബവിയുടെ മുറ്റത്ത് മുസ്ലിംകളല്ലാത്ത രണ്ട് വനിതകൾ എത്തിയ സംഭവത്തിൽ പ്രതികരണവുമായി ഭരണകാര്യ സമിതി. മുസ്ലിംകളുടെ പ്രധാന തീർത്ഥാടന കേന്ദ്രമായ മദീനയിലെ പ്രവാചകൻ അന്ത്യവിശ്രമം കൊള്ളുന്ന മസ്ജിദുന്നബവി കോമ്പൗണ്ടില്‍ വിദേശികളായ അമുസ്ലിം വനിതകളെത്തിയത് വിവാദമാക്കേണ്ടതില്ലെന്നും അബദ്ധത്തില്‍ സംഭവിച്ചതാണെന്നും മസ്ജിദുന്നബവി കാര്യ വിഭാഗം അറിയിച്ചു.
മസ്ജിദിന്റെ പവിത്രതക്ക് യോജിക്കാത്ത വസ്ത്രമായിരുന്നു അവര്‍ ധരിച്ചിരുന്നത്. സ്ഥലത്തിന്റെ സ്വകാര്യതയെയും പവിത്രതയെയും കുറിച്ച് അവരെ ബോധ്യപ്പെടുത്തുകയും പള്ളിയുടെ സന്ദേശം അവരെ പരിചയപ്പെടുത്തുകയും ചെയ്തതായും അധികൃതർ വ്യക്തമാക്കി.ജീവനക്കാരുടെ നിര്‍ദേശങ്ങള്‍ മനസ്സിലാക്കി നന്ദിയും അഭിനന്ദനവും അറിയിച്ചാണ് അവര്‍ പുറത്തിറങ്ങിയതെന്നും മസ്ജിദുന്നബവി കാര്യ വിഭാഗം വ്യക്തമാക്കി.
സാമൂഹിക മാധ്യമങ്ങളില്‍ ഇക്കാര്യത്തില്‍ പ്രചരിക്കുന്ന വിവാദങ്ങളും തെറ്റിദ്ധാരണകളും തള്ളിക്കളയണമെന്നും ഔദ്യോഗിക വാര്‍ത്തയാണ് എല്ലാവരും സ്വീകരിക്കേണ്ടതെന്നും മസ്ജിദുന്നബവി കാര്യ സമിതി ആവശ്യപ്പെട്ടു
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക
