January 11, 2024
January 11, 2024
ദോഹ: എഎഫ്സി ഏഷ്യന് കപ്പ് ടൂര്ണമെന്റിലെ മത്സരം നിയന്ത്രിക്കാന് ആദ്യമായി ഒരു വനിത എത്തുന്നു. നാളെ (ജനുവരി 12) ആരംഭിക്കുന്ന 18-മത് ഏഷ്യന് കപ്പ് ടൂര്ണമെന്റില് ശനിയാഴ്ച നടക്കുന്ന മത്സരം വനിത റഫറി നിയന്ത്രിക്കും. ശനിയാഴ്ച നടക്കുന്ന ഇന്ത്യ- ഓസ്ട്രേലിയ മത്സരത്തിനുള്ള റഫറിയായി ജപ്പാനില് നിന്നുള്ള 37-കാരി യോഷിമി യമാഷിതയെ തെരഞ്ഞെടുത്തതായി എഎഫ്സി ഔദ്യോഗികമായി പ്രഖ്യാപിച്ചു. ഏഷ്യന് കപ്പിന്റെ ചരിത്രത്തില് ഇതാദ്യമായാണ് മത്സരത്തിന്റെ റഫറിയായി ഒരു വനിത എത്തുന്നത്.
2022ലെ പുരുഷ ലോകകപ്പില് നാലാമത്തെ ഒഫിഷ്യലായിരുന്ന യമാഷിത, ഖത്തര് എഎഫ്സി ഏഷ്യന് കപ്പിലെ അഞ്ച് വനിതാ മാച്ച് ഒഫീഷ്യലുകളില് ഒരാളാണ്. ശനിയാഴ്ച നടക്കുന്ന ഗ്രൂപ്പ് ബി മത്സരത്തില് യമാഷിതയ്ക്കൊപ്പം അസിസ്റ്റന്റ് റഫറിമാരായി മക്കോട്ടോ ബോസോനോയും നവോമി തെഷിരോഗിയേയും നിയമിച്ചു.
കഴിഞ്ഞവര്ഷം ഓസ്ട്രേലിയയിലും ന്യൂസിലാന്ഡിലും നടന്ന വനിത ലോകകപ്പിന്റെ ഉദ്ഘാടന മത്സരത്തിലും യമാഷിത റഫറിയായിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F