October 16, 2023
October 16, 2023
യുഎഇ: മതിയായ ലൈസന്‍സില്ലാതെ പ്രവര്‍ത്തിച്ച റിക്രൂട്ട്‌മെന്റ് ഏജന്‍സികള്‍ക്കെതിരെയാണ് നടപടി. അല്‍ ഐന്‍ ആസ്ഥാനമായി പ്രവര്‍ത്തിച്ചിരുന്ന ഗാര്‍ഹിക തൊഴിലാളികളെ റിക്രൂട്ട് ചെയ്യുന്ന നാല് റിക്രൂട്ടിംഗ് സ്ഥാപനങ്ങള്‍ക്കാണ് പിടിവീണത്. ഓരോ സ്ഥാപനത്തിനും അന്‍പതിനായിരം ദിര്‍ഹം വീതം പിഴ ചുമത്തുകയും ചെയ്തു. അടച്ചുപൂട്ടിയ നാല് സ്ഥാപനങ്ങള്‍ക്കും ലൈസന്‍സ് ഉണ്ടായിരുന്നില്ലെന്ന് ഹ്യൂമന്‍ റിസോഴ്‌സസ് ആന്റ് എമിറെറ്റൈസേഷന്‍ ഉദ്യോഗസ്ഥരുടെ പരിശോധനയില്‍ കണ്ടെത്തിയിരുന്നു.
ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ്, പോര്‍ട്ട് സെക്യൂരിറ്റി, അബുദാബി അല്‍ ഐന്‍ ശാഖയിലെ സാമ്പത്തിക വികസന വകുപ്പ് എന്നിവരുടെ സഹകരണത്തോടെയായിരുന്നു പരിശോധന. കേസ് ഫയലുകള്‍ മന്ത്രാലയം പബ്ലിക് പ്രോസിക്യൂഷന് കൊമാറിയിട്ടുണ്ട്. അതേസമയം നിയമലംഘനം നടത്തിയ ദുബായിലെ ഷമ്മ അല്‍ മഹൈരി, അജ്മാനിലെ അല്‍ ബര്‍ഖ് എന്നീ ഗാര്‍ഹിക തൊഴിലാളി സേവനകേന്ദ്രങ്ങളുടെ ലൈന്‍സ് അടുത്തിടെ റദ്ദ് ചെയ്തിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
