January 15, 2024
January 15, 2024
ദോഹ: ഏഷ്യൻ കപ്പിൽ ഹോങ്കോങ്ങിനെതിരെ യു.എ.ഇക്ക് വിജയത്തുടക്കം. ഇന്നലെ (ഞായർ) ഖലീഫ ഇന്റർനാഷനൽ സ്റ്റേഡിയത്തിൽ നടന്ന മത്സരത്തിൽ 3-1 എന്ന സ്കോറിനാണ് ഹോങ്കോങ്ങിനെ പരാജയപ്പെടുത്തിയത്. കളിയുടെ ആദ്യ പകുതിയിൽ തന്നെ യു.എ.ഇ ഒരു ഗോൾ നേടി. എന്നാൽ, രണ്ടാം പകുതിയുടെ തുടക്കത്തിൽ ഹോങ്കോങ് ഒരു ഗോൾ നേടി സമനില പിടിച്ചു. രണ്ട് ഗോളുകൾ കൂടി യു.എ.ഇ തിരിച്ചടിച്ച് വിജയം ഉറപ്പിക്കുകയായിരുന്നു. സുൽത്താൻ ആദിൽ, സെയ്ദ് സുൽത്താൻ, യഹ്യ അൽ ഖസ്സാനി എന്നിവരാണ് യു.എ.ഇക്കുവേണ്ടി ഗോൾ അടിച്ചത്. ചാൻ സിയു ക്വാനാണ് ഹോങ്കോങ്ങിന്റെ ഗോൾ സ്വന്തമാക്കിയത്.
അതേസമയം, ഇന്ന് (തിങ്കൾ) വൈകുന്നേരം 2:30ന് ജാസിം ബിൻ ഹമദ് സ്റ്റേഡിയത്തിൽ ബഹ്റൈൻ കൊറിയ റിപ്പബ്ലിക്കിനെതിരെ മത്സരിക്കും.
കൂടാതെ, വൈകുന്നേരം 5:30ന് അഹ്മദ് ബിൻ അലി സ്റ്റേഡിയത്തിൽ ഇന്തോനേഷ്യ ഇറാഖിനെതിരെയും, രാത്രി 8:30ന് അൽ ജനൂബ് സ്റ്റേഡിയത്തിൽ മലേഷ്യ ജോർദാനെതിരെയും പോരാടും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F