January 02, 2024
January 02, 2024
ദോഹ: ഖത്തറിലെ ഏറ്റവും വലിയ ഷോപ്പിംഗ് മേളയായ ഷോപ്പ് ഖത്തറിന്റെ എട്ടാമത് പതിപ്പിന് തുടക്കമായി. കഴിഞ്ഞദിവസം പ്ലേസ് വെന്‍ഡോം മാളില്‍ പ്രശസ്ത സംഗീത ബാന്‍ഡായ റൂഹ് അല്‍ ഷാര്‍ഖിന്റെ പരിപാടികളോടെയാണ് ഷോപ്പ് ഖത്തറിന് തുടക്കമായത്. ജനുവരി 27 വരെ നീളുന്ന ഷോപ്പിംഗ് ഫെസ്റ്റിവലില്‍ പ്ലേസ് വെന്‍ഡോം, ഹയാത്ത് പ്ലാസ, മാള്‍ ഓഫ് ഖത്തര്‍ ഉള്‍പ്പെടെ രാജ്യത്തെ 13 മാളുകളും ഹൈപ്പര്‍മാര്‍ക്കറ്റുകളും പങ്കെടുക്കും. 'നിങ്ങളുടെ ഷോപ്പിംഗ് പ്ലേഗ്രൗണ്ട്' എന്ന പ്രമേയത്തിലാണ് ഇത്തവണ മേള സംഘടിപ്പിക്കുന്നത്.
റാഫിള്‍ നറുക്കെടുപ്പുകള്‍, വിസ്മയിപ്പിക്കുന്ന പരേഡുകള്‍, മത്സരങ്ങള്‍, പ്രത്യേക ഷോകള്‍ എന്നിവയും സന്ദര്‍ശകര്‍ക്കായി ഒരുക്കും. റാഫിള്‍ നറുക്കെടുപ്പിലെ വിജയികള്‍ക്ക് ആഡംബര കാറുകള്‍ മുതല്‍ 50,000 റിയാല്‍ വരെയുള്ള ക്യാഷ് പ്രൈസുകളും പ്രഖ്യാപിച്ചിട്ടുണ്ട്. സന്ദര്‍ശകര്‍ക്ക് ഇന്‍വോയിസുകള്‍ റിഡീം ചെയ്യാനും വൗച്ചറുകള്‍ നേടാനും കഴിയുന്ന റിഡംപ്ഷന്‍ ബൂത്തുകളും മാളുകളില്‍ ഉണ്ടാകും. ദോഹ ഫെസ്റ്റിവല്‍ സിറ്റിയില്‍ നടക്കുന്ന സമാപന ചടങ്ങില്‍ അവസാന റാഫിള്‍ നറുക്കെടുപ്പും വിജയിയേയും പ്രഖ്യാപിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
