November 01, 2023
November 01, 2023
കെയ്‌റോ: രാജ്യത്തെ ഔദ്യോഗിക ഇടപാടുകള്‍ക്ക് അറബിക് കലണ്ടറിന് പകരം ഇംഗ്ലീഷ് കലണ്ടര്‍ (ഗ്രിഗോറിയന്‍ കലണ്ടര്‍) ഉപയോഗിക്കാന്‍ സൗദി അറേബ്യ അംഗീകാരം നല്‍കി. ഇനി മുതല്‍ ഗ്രിഗോറിയന്‍ കലണ്ടര്‍ അടിസ്ഥാനമാക്കിയാകും ഔദ്യോഗിക കാര്യങ്ങളുടെ തീയതി സൗദിയില്‍ കണക്കാക്കുക. സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്റെ അധ്യക്ഷതയില്‍ കഴിഞ്ഞദിവസം (ചൊവ്വ) ചേര്‍ന്ന മന്ത്രിസഭാ യോഗത്തില്‍ ഇംഗ്ലീഷ് കലണ്ടര്‍ ഉപയോഗിക്കുന്നതിന് അംഗീകാരം നല്‍കി.
അതേസമയം ഭരണപരമായ കാര്യങ്ങള്‍ മാത്രമായിരിക്കും ഇംഗ്ലീഷ് കലണ്ടര്‍ അടിസ്ഥാനമായി നിശ്ചയിക്കുക. മതപരമായ എല്ലാ കാര്യങ്ങളും ഹിജ്‌റ കലണ്ടര്‍ അടിസ്ഥാനമാക്കിയാകും തുടര്‍ന്നും നിശ്ചയിക്കുക. സൗദിയില്‍ ഇതുവരെ സര്‍ക്കാര്‍ കാര്യങ്ങളും മതപരമായ കാര്യങ്ങളും നിശ്ചയിച്ചിരുന്നത് ഹിജ്‌റ കലണ്ടര്‍ പ്രകാരമായിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
