January 18, 2024
January 18, 2024
റിയാദ്: സൗദി അറേബ്യയില് വിസ കാലഹരണപ്പെടുന്നതിന് മുമ്പ്് മടങ്ങിവരാത്ത പ്രവാസികള്ക്ക് ഏര്പ്പെടുത്തിയിരുന്ന മൂന്ന് വര്ഷത്തെ പ്രവേശന വിലക്ക് നീക്കി. എക്സിറ്റ്, റീ എന്ട്രി വിസയുടെ കാലാവധി കഴിയും മുമ്പ് മടങ്ങിയെത്താത്ത പ്രവാസികള്ക്ക് രാജ്യത്തേക്ക് പുതിയ വിസയില് പ്രവേശനം അനുവദിക്കാന് ബന്ധപ്പെട്ട വകുപ്പുകളോട് ജനറല് ഡയറക്ടറേറ്റ് ഓഫ് പാസ്പോര്ട്ട് (ജവാസാത്ത്) നിര്ദേശിച്ചതായി സൗദി പത്രം ഒകാസ് റിപ്പോര്ട്ട് ചെയ്തു. ജനുവരി 16, ചൊവ്വാഴ്ച മുതല് നിര്ദേശം പ്രാബല്യത്തില് വന്നതായും ഒകാസ് റിപ്പോര്ട്ട് ചെയ്തു.
പുതിയ നിയമം പ്രബല്യത്തില് വന്നതോടെ, റീ എന്ട്രി വിസ കാലാവധി തീര്ന്ന പ്രവാസികള്ക്ക് ഏത് സമയവും പുതിയ തൊഴില് വിസയില് രാജ്യത്തേക്ക് വീണ്ടും പ്രവേശിക്കാന് കഴിയും. പഴയ തൊഴിലുടമയ്ക്ക് കീഴിലോ പുതിയ തൊഴിലുടമയ്ക്ക് കീഴിലോ പുതിയ തൊഴില് വിസയില് ജോലി ചെയ്യുന്നതിന് വിലക്ക് ബാധകമാകില്ലെന്നും ജവാസാത്ത് അറിയിച്ചു. രാജ്യത്തെ നിക്ഷേപവും തൊഴില് അന്തരീക്ഷവും വര്ധിപ്പിക്കുന്നത് ലക്ഷ്യമിട്ടാണ് നടപടി.
2022ലാണ് രാജ്യം വിടുകയും നിശ്ചിത സമയത്തിനുള്ളില് മടങ്ങിയെത്താത്തതുമായ പ്രവാസികള്ക്ക് സൗദി മൂന്ന് വര്ഷത്തെ പ്രവേശന വിലക്കേര്പ്പെടുത്തിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F