February 17, 2024
February 17, 2024
ദുബായ്: ദുബായിൽ ‘റമദാൻ സൂഖ്’ ആരംഭിച്ചു. ഇന്ന് (ശനിയാഴ്ച) മുതൽ ദേരയിലെ ഓൾഡ് മുനിസിപ്പാലിറ്റി സ്ട്രീറ്റിൽ ആരംഭിക്കുന്ന ‘റമദാൻ സൂഖ്’ മാർച്ച് 9 വരെ നീളും. രാവിലെ 10 മണി മുതൽ രാത്രി 10 മണി വരെ പ്രവർത്തിക്കും. എല്ലാ വർഷവും റമദാന്റെ വരവറിയിച്ച് ദുബായ് മുനിസിപ്പാലിറ്റിയാണ് റമദാൻ സൂഖ് സംഘടിപ്പിക്കുന്നത്.
റമദാന്റെ ഒരുക്കങ്ങൾക്കായി അവശ്യവസ്തുക്കളും ഉപകരണങ്ങളുമടക്കം സൂഖിൽ വിൽപനക്കെത്തിയിട്ടുണ്ട്. ശഅ്ബാൻ മാസം 15ന് പ്രാദേശികമായി ആചരിക്കുന്ന ‘ഹഖ് ലൈല’ ചടങ്ങിന് ആവശ്യമായവയും സൂഖിൽ എത്തിച്ചിട്ടുണ്ട്. റമദാനുമായി ബന്ധപ്പെട്ട വിവിധ പരിപാടികളും തത്സമയ ഷോകളും കുട്ടികൾക്കുള്ള പരിപാടികളും സൂഖിൽ അരങ്ങേറും.
ടൂറിസവും വാണിജ്യപ്രവർത്തനങ്ങളും ശക്തിപ്പെടുത്തുന്നതിലുപരി, ‘റമദാൻ സൂഖി’ലൂടെ പരമ്പരാഗത വിപണിയെ പ്രദർശിപ്പിക്കുകയും റമദാൻ മാസത്തിനായുള്ള ഒരുക്കങ്ങളിലൂടെ പൈതൃകത്തെ സംരക്ഷിക്കുകയുമാണ് ലക്ഷ്യമിടുന്നതെന്ന് ദുബായ് മുനിസിപ്പാലിറ്റി പ്രസ്താവനയിൽ പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
