January 17, 2024
January 17, 2024
ദോഹ: എ.എഫ്.സി ഏഷ്യൻ കപ്പിൽ ഖത്തറിന് രണ്ടാം ജയം. 1-0 എന്ന സ്കോറിനാണ് ഖത്തർ വിജയിച്ചത്. ഗ്രൂപ് ‘എ’യിൽ തജികിസ്താനായിരുന്നു ഖത്തറിന്റെ രണ്ടാമത്തെ എതിരാളി. ഇന്ന് (ബുധൻ) വൈകുന്നേരം 5:30ന് അൽ ബെയ്ത് സ്റ്റേഡിയത്തിലായിരുന്നു മത്സരം. ഇതോടെ ഖത്തർ പ്രീക്വാർട്ടർ മത്സരത്തിന് യോഗ്യത നേടി.
ഖത്തറിന് വേണ്ടി 17-ാം മിനിറ്റിൽ അക്രം അഫീഫാണ് ഏക ഗോൾ അടിച്ചത്.
ആദ്യ മത്സരത്തിൽ ലബനാനെ 3-0ന് തോൽപ്പിച്ചായിരുന്നു ഖത്തറിന്റെ ആദ്യ ജയം. ലുസൈൽ സ്റ്റേഡിയത്തിൽ അക്രം അഫിഫിന്റെ ഇരട്ട ഗോളും അൽ മുഈസ് അലിയുടെ ഗോളുമായിരുന്നു ഖത്തറിന് ആദ്യ വിജയമൊരുക്കിയത്. ജനുവരി 22ന് വൈകുന്നേരം 6 മണിക്ക് ഖലീഫ ഇന്റർനാഷണൽ സ്റ്റേഡിയത്തിൽ ചൈനയുമായാണ് ഖത്തറിന്റെ അടുത്ത പോരാട്ടം.
അതേസമയം, നാളെ (വ്യാഴം) ഇന്ത്യ രണ്ടാമത്തെ പോരാട്ടത്തിന് ഗ്രോണ്ടിലിറങ്ങും. ഉസ്ബെകിസ്താനാണ് ഇന്ത്യയുടെ രണ്ടാമത്തെ എതിരാളികൾ. അഹ്മദ് ബിൻ അലി സ്റ്റേഡിയത്തിൽ വൈകിട്ട് 5:30നാണ് മത്സരം.
കൂടാതെ, നാളെ ജാസിം ബിൻ ഹമദ് സ്റ്റേഡിയത്തിൽ ഉച്ചക്ക് 2:30ന് ഓസ്‌ട്രേലിയക്കെതിരെ സിറിയയും, അൽ ജനൂബ് സ്റ്റേഡിയത്തിൽ രാത്രി 8:30ന് ഫലസ്തീനെതിരെ യു.എ.ഇയും മത്സരിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
