January 13, 2024
January 13, 2024
ദോഹ: എ.എഫ്.സി ഏഷ്യൻ കപ്പ് ആദ്യ മത്സരത്തിൽ ഖത്തർ ടീമിന് ഗംഭീര തുടക്കം. ലുസൈൽ സ്റ്റേഡിയത്തിൽ നടന്ന ഗ്രൂപ് ‘എ’യിലെ ഉദ്ഘാടന മത്സരത്തിൽ ലെബനാനെ എതിരില്ലാത്ത 3 ഗോളുകൾക്കാണ് ഖത്തർ വീഴ്ത്തിയത്. 2 ഗോളുകളാണ് അക്രം അഫിഫ് നേടിയത്. 56ാം മിനിറ്റിൽ അൽ മുഈസ് അലിയും ഒരു ഗോൾ നേടി. ഗോൾകീപ്പർ മിഷാൽ ബർഷിമിന്റെ ജാഗ്രതയും ടീമിന് തുണയായി.
'കളിക്കാർ 200 ശതമാനം നൽകിയതിൽ എനിക്ക് അതിയായ സന്തോഷമുണ്ട്. ഞാൻ വളരെ സംതൃപ്തനാണ്, പക്ഷേ ടൂർണമെന്റിന്റെ ബാക്കി ഭാഗങ്ങളിൽ ഞങ്ങൾക്ക് അതേ നിലവാരത്തിലുള്ള പ്രകടനം നിലനിർത്തേണ്ടതുണ്ട്', - മത്സരത്തിന് ശേഷം പരിശീലകൻ മാർക്വേസ് ലോപ്പസ് പറഞ്ഞു.
അതേസമയം, ഇന്ന് (ശനി) ഉച്ചക്ക് ഖത്തർ സമയം 2:30ന് അഹ്മദ് ബിൻ അലി സ്റ്റേഡിയത്തിൽ ഇന്ത്യ ആദ്യ മത്സരത്തിനിറങ്ങും. ഫിഫ റാങ്കിങ്ങിൽ 25ാം സ്ഥാനത്തുള്ള ഓസ്ട്രേലിയയാണ് ഇന്ത്യയുടെ എതിരാളികൾ.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F