October 01, 2023
October 01, 2023
ദോഹ: ചൈനയിലെ ഹാങ്‌ചോയിൽ നടക്കുന്ന 19-ാമത് ഏഷ്യൻ ഗെയിംസിൽ 1500 മീറ്റർ പുരുഷന്മാരുടെ ഓട്ടമത്സരത്തിൽ ഖത്തറിന് സ്വർണം. മുഹമ്മദ് അൽ ഖർനിയാണ് ഓട്ടമത്സരത്തിൽ സ്വർണം സ്വന്തമാക്കിയത്. കൂടാതെ ഏഷ്യൻ ഗെയിംസ് റാങ്ക് പട്ടികയിൽ ഖത്തർ 19-ാം സ്ഥാനത്താണ്. 34 രാജ്യങ്ങളാണ് ഏഷ്യൻ ഗെയിംസിൽ പങ്കെടുക്കുന്നത്.
3:38.36 സമയത്തിനുള്ളിലാണ് അൽ ഖർനി മത്സരം പൂർത്തിയാക്കിയത്. ഇന്ത്യയുടെ അജയ് കുമാർ സരോജ് 3:38.94 നും ജിൻസൺ ജോൺസൺ 3:39.74 നും വെള്ളിയും വെങ്കലവും നേടി. ഖത്തറിന്റെ സഹതാരം അബ്ദുറഹ്മാൻ ഹസൻ 3:40.55 ന് നാലാം സ്ഥാനത്തുമെത്തി.
ഏഷ്യൻ ഗെയിംസിൽ ഖത്തറിന്റെ ഏഴാമത്തെ മെഡലാണിത്. ഇതുവരെ വിവിധ മത്സരങ്ങളിലായി 2 സ്വർണവും, 3 വെള്ളിയും, 2 വെങ്കലവുമാണ് ഖത്തർ നേടിയത്. 27 കായിക ഇനങ്ങളിലായി 180 അത്‌ലറ്റുകളാണ് ഖത്തറിനെ പ്രതിനിധീകരിച്ച് ഏഷ്യൻ ഗെയിംസിൽ പങ്കെടുക്കുന്നത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5
