April 27, 2024
April 27, 2024
ദോഹ: യുക്രൈനിലെ പ്രധാന മനുഷ്യാവകാശ പ്രവര്‍ത്തനങ്ങള്‍ക്ക് പിന്തുണ നല്‍കുന്നതിനായി യുക്രൈനിയന്‍ പാര്‍ലമെന്റ് മനുഷ്യാവകാശ കമ്മീഷണറുടെ ഓഫീസിന് മൂന്ന് മില്യണ്‍ ഡോളര്‍ നല്‍കുമെന്ന് ഖത്തര്‍ പ്രഖ്യാപിച്ചു. ഖത്തറും യുക്രൈനിയന്‍ പാര്‍ലമെന്റ് മനുഷ്യാവകാശ കമ്മീഷണറുടെ ഓഫീസും തമ്മിലുള്ള പങ്കാളിത്ത യോഗത്തില്‍ വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രി ലുൽവ ബിന്‍ത് റാഷിദ് അല്‍ ഖാതറാണ് ഇക്കാര്യം അറിയിച്ചത്.
മോണിറ്ററിംഗ് വിദഗ്ധരെ നിയമിക്കുന്നതിനും, യുക്രൈനിലുടനീളം പ്രാദേശിക ഓഫീസുകള്‍ സ്ഥാപിക്കുന്നതിനും, പിന്തുണയ്ക്കുന്നതിനും ഉള്‍പ്പെടെ നിരവധി സുപ്രധാന സംരംഭങ്ങള്‍ക്ക് ഫണ്ടിംഗ് പ്രാപ്തമാക്കുമെന്ന് ലുൽവ ബിന്‍ത് റാഷിദ് പറഞ്ഞു. നിലവിലുള്ള സംഘര്‍ഷം ബാധിച്ച കുടുംബങ്ങളെയും കുട്ടികളെയും സഹായിക്കാന്‍ ലക്ഷ്യമിട്ടുള്ള ഫലപ്രദമായ സേവനങ്ങള്‍ നല്‍കുന്നതിന് ആവശ്യമായ അടിസ്ഥാന സൗകര്യങ്ങള്‍ ശക്തിപ്പെടുത്തുകയാണ് ഇതിലൂടെ ലക്ഷ്യമിടുന്നതെന്നും അവര്‍ വ്യക്തമാക്കി.
കുട്ടികളുടെ വിദ്യാഭ്യാസം, ആരോഗ്യം, ഭക്ഷ്യസുരക്ഷ, സാമ്പത്തിക ശാക്തീകരണം എന്നീ മേഖലകളില്‍, പ്രത്യേകിച്ച് സ്ത്രീകള്‍ക്കും യുവാക്കള്‍ക്കുമായി നിരവധി പ്രാദേശിക, ആഗോള സംരംഭങ്ങള്‍ ഖത്തര്‍ ആരംഭിച്ചതായും ലുൽവ കൂട്ടിച്ചേർത്തു. നാല് ഓപ്പറേഷനുകളിലൂടെ യുക്രൈനിയന്‍ കുട്ടികളെ അവരുടെ കുടുംബങ്ങളുമായി കൂട്ടിച്ചേര്‍ക്കാൻ മധ്യസ്ഥ ശ്രമങ്ങളിലൂടെ ഖത്തര്‍ മുമ്പ് വിജയിച്ചിട്ടുണ്ടെന്നും അവര്‍ ഊന്നിപ്പറഞ്ഞു.
കൂടാതെ, ഈ കുടുംബങ്ങളുടെ ദീര്‍ഘകാല ആവശ്യങ്ങള്‍ നിറവേറ്റുന്നതിനായി ആരോഗ്യ- വീണ്ടെടുപ്പ് പദ്ധതിയുടെ ഭാഗമായി സമഗ്രമായ മെഡിക്കല്‍, മാനസിക, സാമൂഹിക പിന്തുണ നല്‍കി ഖത്തര്‍ നിലവില്‍ ഇരുവശത്തുമുള്ള ഏകദേശം 20 കുടുംബങ്ങള്‍ക്ക് ആതിഥേയത്വം വഹിക്കുന്നുണ്ടെന്നും ലുൽവ പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
