February 17, 2024
February 17, 2024
അബുദാബി: അബുദാബിയില് അശ്രദ്ധമയി റോഡ് മുറിച്ചുകടക്കുക, വാഹനമോടിക്കുക, റെഡ് ട്രാഫിക് ലൈറ്റുകള് അവഗണിക്കുക തുടങ്ങിയ നിയമലംഘനങ്ങള്ക്ക് അബുദാബി പോലീസ് മുന്നറിയിപ്പ് നല്കി. ഇന്റര്സെക്ഷനുകളിലും ട്രാഫിക് സിഗ്നലുകള് മുറിച്ചുകടക്കുമ്പോഴും ജാഗ്രതാ പാലിക്കണമെന്നും ഡ്രൈവര്മാരോട് പോലീസ് ആവശ്യപ്പെട്ടു. അശ്രദ്ധമായ ഡ്രൈവിംഗിലൂടെയുണ്ടായ അപകടത്തിന്റെ ദൃശ്യങ്ങള് സാമൂഹിക മാധ്യമങ്ങളില് പങ്കുവെച്ചാണ് പോലീസ് മുന്നറിയിപ്പ് നല്കിയത്.
#فيديو | #شرطة_أبوظبي : إضاءات مرورية تدعو السائقين إلى عدم الانشغال بغير الطريق أثناء عبور التقاطعات والإشارات الضوئية وعدم تجاوزها لنتائجها الخطيرة في وقوع الحوادث الجسيمة .#إضاءات_مرورية pic.twitter.com/gRxWzCKYb1
— شرطة أبوظبي (@ADPoliceHQ) February 16, 2024
അശ്രദ്ധമായി വാഹനമോടിക്കുന്നവര്ക്ക് 800 ദിര്ഹം പിഴയും നാല് ബ്ലാക്ക് പോയിന്റുകളും ചുമത്തുമെന്നും പോലീസ് വ്യക്തമാക്കി. കാല്നടയാത്രക്കാര് അശ്രദ്ധമായി റോഡ് മുറിച്ചുകടക്കുന്നതിന്റെ വീഡിയോയും പോലീസ് എക്സില് പങ്കുവെച്ചു.
നിയുക്ത സ്ഥലങ്ങളിലല്ലാതെ നിയമവിരുദ്ധമായി റോഡ് മുറിച്ചുകടക്കുന്നവര്ക്ക് 400 ദിര്ഹം പിഴ ചുമത്തും. ഫെഡറല് ട്രാഫിക് നിയമത്തിലെ ആര്ട്ടിക്കിള് 89 പ്രകാരമാണ് പിഴ ചുമത്തുന്നത്. പാലങ്ങള്, തുരങ്കങ്ങള്, നിയുക്ത ക്രോസിംഗ് പോയിന്റുകള് തുടങ്ങിയ സ്ഥലങ്ങളില് ട്രാഫിക് ലൈറ്റുകള്ക്ക് അനുസൃതമായി മാത്രം റോഡ് മുറിച്ചുകടക്കണമെന്നും കാല്നടയാത്രക്കാരോട് ഡയറക്ടറേറ്റ് ജനറല് ഓഫ് ട്രാഫിക് ആന്റ് പട്രോള് വിഭാഗം അഭ്യര്ത്ഥിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F