December 13, 2023
December 13, 2023
ദുബായ്: യു.എ.ഇയിൽ വാഹനങ്ങളുടെ നമ്പർ പ്ലേറ്റ് ഉടമസ്ഥാവകാശം യുഎഇ പാസ് വഴി കൈമാറാൻ സംവിധാനമൊരുക്കി ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ). പൊതുജനങ്ങൾക്ക് വാഹന നമ്പർ പ്ലേറ്റുകൾ വിൽക്കുന്നതിനും വാങ്ങുന്നതിനും സൗകര്യമൊരുക്കുന്നതിനും, ഉപയോക്താക്കളുടെ സമയവും പരിശ്രമവും ലാഭിക്കുന്നതിനുമാണ് പുതിയ സേവനം ആരംഭിച്ചതെന്ന് അധികൃതർ അറിയിച്ചു.
ഇതോടെ ഉപയോക്താവ് ആർടിഎ ഹാപ്പിനസ് സെന്ററുകൾ സന്ദർശിക്കേണ്ടതിന്റെ ആവശ്യകത ഒഴിവായി. പുതിയ നിയമത്തിന്റെ നിബന്ധനകളും വ്യവസ്ഥകളും അനുസരിച്ച് നമ്പർ പ്ലേറ്റ് വിൽക്കുന്നയാളും വാങ്ങുന്നയാളും വിലയും പേയ്മെന്റ് രീതിയും മുൻകൂട്ടി തീരുമാനിക്കണം. കൂടാതെ, വിൽപ്പനക്കാരൻ വാങ്ങുന്നയാളുടെ യുഎഇ പാസ്, ടെലിഫോൺ നമ്പർ, ട്രാഫിക് ഫയൽ എന്നിവയുടെ പകർപ്പ് കൈവശം വയ്ക്കണം. അതിനുശേഷം, യുഎഇ പാസ് ഉപയോഗിച്ച് വിൽപനയും വാങ്ങലും റജിസ്റ്റർ ചെയ്യാം. റജിസ്റ്റർ ചെയ്തതിന് ശേഷം നിശ്ചിത സേവന ഫീസ് അടക്കണം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F