March 25, 2024
March 25, 2024
മക്ക: മക്ക ക്ലോക്ക് ടവറിൽ പ്രവാചക ജീവചരിത്രത്തെ കുറിച്ചുള്ള അന്താരാഷ്ട്ര മ്യൂസിയത്തിന്റെ ‘ട്രയൽ റൺ’ ആരംഭിച്ചു. മുസ്ലിം വേൾഡ് ലീഗ് സെക്രട്ടറി ജനറൽ ഡോ. മുഹമ്മദ് ബിൻ അബ്ദുൽ കരീം അൽ ഈസ ആണ് ഇത് സംബന്ധിച്ച പ്രഖ്യാപനം നടത്തിയത്. പ്രവാചകചര്യയെ സേവിക്കുന്നതിനും പ്രചരിപ്പിക്കുന്നതിനുമായി മുസ്ലിം വേൾഡ് ലീഗ് നടത്തുന്ന ശ്രമങ്ങളുടെ ഭാഗമാണിത്.
മ്യൂസിയത്തിൽ 30ലധികം വിഭാഗങ്ങളുണ്ട്. അഞ്ച് അന്താരാഷ്ട്ര ഭാഷകളിലായി 200ലധികം ദൃശ്യപരവും സംവേദനാത്മകവുമായ അവതരണങ്ങൾ നൽകും. ഏറ്റവും പുതിയ ഡിജിറ്റൽ, ഇൻററാക്ടിവ് ഡിസ്പ്ലേ സാങ്കേതികവിദ്യകൾ ഉപയോഗിച്ചാണ് മ്യൂസിയം ഒരുക്കിയിരിക്കുന്നത്.
പ്രവാചകന്റെ ജീവചരിത്രം സന്ദർശകർക്ക് പറഞ്ഞുതരുന്ന വിധത്തിലാണ് പ്രദർശനവും മ്യൂസിയവും ക്രമീകരിച്ചിരിക്കുന്നത്. പ്രവാചകന്റെ ജീവചരിത്രത്തിന്റെയും ഇസ്ലാമിക നാഗരികതയുടെയും അന്താരാഷ്ട്ര മ്യൂസിയങ്ങളുടെ ഒരു പരമ്പര കൂടിയാണിത്. ലോകമെമ്പാടുമുള്ള സന്ദർശകർക്ക് ഇസ്ലാമിന്റെ മൂല്യങ്ങളെക്കുറിച്ചുള്ള വിവരങ്ങൾ നൽകാനും അവയെക്കുറിച്ചുള്ള തെറ്റിദ്ധാരണകളെ ഇല്ലാതാക്കുകയുമാണ് ഇതിലൂടെ ലക്ഷ്യമിടുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F